مصر عظيمة حضارة قديمة
شعبها طيب وخيرها كتير
عاشوا سنين حرمان وعذاب
عانوا من القهر ومن التكدير
قاموا بثورة كانت حلم
حلم يغير لينا مصير
طلعوا بكل حماس وإيمان
نادوا دى ثورة للتغيير
سال الدم وراح الهم
هتفوا وغنوا فى التحرير
خطط وارسم احكم واحزم
وآدى ميعادنا مع التطهير
طلع الحلم ده أكبر وهم
وطارمن ايدينا زى العصافير
كره ويأس مالى النفس
حالة غريبة مالهاش تفسير
خايف تصرخ خايف تهتف
عاجز حتى عن التعبير
ويوم ماهاتنطق كلمة حق
هاتدخل بيها عش الدبابير
مرة ده خاين مرة عميل
وقابل بقى حملة تشهير
اصل فساد الدنيا معشش
جوا نفوس مافيهاش الخير
نسيوا إرادة شعب بيرفض
أى كلام قصدة التحذير
حالف ياخد حق الشهدا
من غير فوضى ولاتدمير
باقى العمرهايفضل يحلم
بمصر جميلة وبالتغيير
mena_hassan
27-10-2016
