من أنا..

 بعد ما إستباح قلبى واستعمر روحى

إنتهك مشاعرى وطعننى بلا رحمة

مارس كل طقوسه الإنتقامية  تجاهي

واختزل كل أعدائه فى شخصي

لدرجة انى أضعت هويتى

 أصبحت أسأل العابرين

من أنا..؟

#mena_hassan 

ضحك عليا زماني

وافتكرت حلم عمري

خلاص هحققه

وليالي حلمت بيه

ده أنا كنت بعشقه

ضحك عليا زماني

وأنا اللى قربت أصدقه

كان الفرحة اللى بتنور أيامي

ضاع منى فـ ثوانى

وسابني لجراحي أعاني

خلاص ياقلبى

هانرجع للحزن تانى

يا ريتني ما كنت حلمت بيه

ده ماكنش ليا ولا كنت ليه

حلم وبدري منه صحيت

ورجعت مطرح ما جيت

خلاص حرمت أحلم

بدل ما أرجع تانى وأندم

#mena_hassan 

التصالح مع النفس

صالحت نفسي على اللي عملته فيها سنين، خدتها من المنتصف المميت اللي كنا فيه وعرفنا هنكون فين، فهمت المعني الحقيقي للخسارة وعرفت إنه كله خير زي ما في المكاسب أوقات يكون خير،من زمان وأنا مؤمنه إن مفيش حاجه دايمه بس أخيرا أدركت إنى أتقبل ده وأقول الحمدلله،وإن الفقد أمر مسلم بيه ومرحله كلنا هنوصلها،صالحت نفسي بعد صراع سنين كنت مغيبه فيهم وكنت بهرب من مشاكلى مش بحلها،اكتشفت إني محبتهاش بالقدر الكافي اللي حبيت بيه اللي حواليا، صالحتهاووعدتها إني مش هعرضها لأي أذى نفسي تاني ، ولا احطها في مكان مش مكانها، التصالح مع النفس أمر مش سهل ولا بنوصل ليه إلا بعد صراع كتير وجلد للذات أكتر ، لكن المهم إنه يحصل قبل فوات الأوان..#mena_hassan 

ده يمكن خير

ده يمكن خير وبكرا أكيد هتعود

وأشوفك غير وانت كمان هتتعود

تشوفني تقول وإيه يعني

وأشوفك درس علمني.. 

لأول مره أشوف الصوره من برا

مشفتش فيها ولاحاجه بتجمعنا

ومن اليوم ده.. 

هواجه نفسي بعيوبي

وهالغي حنيني وهروبي

فهمت أنا خوفت منك ليه

يا أكتر حد خوفت عليه.. 

عشان ملقتش الأمان وياك

بعدت خلاص ومش شيفاك

لأول مره أكون واثقه وماترددش

عشان إحساسي معايا مابيكدبش

#mena_hassan 

صندوق الأحلام

 أهدتني جدتي صندوق قديم عليه زخارف يدوية،ومع إن هذا الصندوق كان قديما لكنه كان يمثل قيمة كبيرة عندي،جعلته صندوق أحلامى أخفي فيه كل ماهو ثمين وغالي،يوما أضع فيه وردة أو رساله وصور ،وأوراق أكتب عليها بعض الرسائل والخطط الصغيره التي أتمني أن أحققها،وفي المناسبات أضع فيه هديا سأهديها يوماً ،خبأت كل أحلامي في هذا الصندوق وكل يوم أقتنص من الزمن لحظات أعيش فيها مع الذكريات ومقتنياتي الثمينة، فكانت هي بمثابه الشغف الذي يدفعني للحياة،والذراع الذي يضم قلبي الباكي من ألم الفقد، وانتظرت حتي تأتي اللحظة لأفتحه وأحقق هذه الأحلام وأهدي الهدايا، لكن هذا اليوم لم يأتي ، وتسربت من بين أناملي تلك الأمنيات وأكتشف أنى أضعت عمري ودفنت أحلامي فى صندوق،،فلا أنا حققتها ولا عِشت الحياة، وهنا أغلقت الصندوق وخبأته حتي لايذكرني بما مضي..#mena_hassan 

لو كان يرضيك

لو كان يرضيك تفضل كده

سايبني من الحال ده لده..! 

حاولت أنساك وأسامح

وعمال قلبي بيقاوح.. 

ينادي عليك مش سامع

هتبعد ولا خلاص راجع

ماتقولي الحال ده نهايته إيه 

واوصفلي شط وأنا أرسي عليه

#mena_hassan 

البعد هواية

 وأخدت البُعد هوايه

وبحارب كل هوايا

إزاى فى البُعد أنا بقدر

بستحمل كدة ولا أفكر

دول كانوا أعز حبايبى

نسيونى ومابقوش جمبي

وأنا أسأل ليه وأدور

ويقولوا كتير بتأفور

خلينى فى حالى وأسيبهم

ببعد والحال ده عاجبهم

البُعد هوايه جميلة 

مش ضعف وقلة حيله

إبعد عن كل حبايبك

هاتعيش ولاتتعب قلبك

خليها هوايه بتكبر

من غير تفكير وهاتقدر

ده انا خدت البُعد هوايه

وحاربت أنا كل هوايا

#mena_hassan 

فصل النهاية

هنا سأكتب فصل النهاية

وأغلق بنفسي تلك الرواية

كُف الملام مَللت التجني.. 

فأنا السجين بين أنك وأني

وبيدي سأحرق تلك القصيدة

سُجنت بين سطورها وحيدة

وأما غرامك وسقف التمني

فإني تركتك رُغما عني

لكنك من إختار الطريقة..

هل ذقت مرارة هذه الحقيقة

#mena_hassan 

أيام وليالي

بخبي الآهه ومابقولشي..

والدمعه حايره متنزلشي

جوايا عايش حنين بطعم الهروب

خايف يقرب،يلين لحسن يدوب

تعدي أيام وليالي.. 

وانت مابتغيبش عن بالي

وقلبي مكتوب عليه يفضل حزين

قافل على ضلوعه صوت الأنين

حتى الكلام تايه مابين حب وملام

وأول ما بكتب واحشني

تطلع معايا كلمه سلام..

#mena_hassan 

هسيبك للزمن

هسيبك للزمن تشكي

وعن حقي هاخده من ربي

لا أنا هشكي ولا هبكي

ولا هقول إيه ذنبي

من الأول ده كان غلطي

عرفت ناس مش شبهي

داسوا كتير علي كرامتي

وضعيت عليهم وقتي

أيام خلصت وهتعدي

ومش هحسبها من عمري 

#mena_hassan 

أسلوب حياة

أنا لا أبحث عن المثاليه وآخر همى أن أكون مثل مايتمنون لدى قناعاتى الخاصه وأسلوب حياة( لا أمشي خلف القطيع) ،أعرف متى أوافق ومتى أرفض دون المساس بكرامه أحد،أقدس الخصوصيه التى ينتهكها الكثيرون،أعرف أننى مزاجيه لكن ليس بشكل مفرط،ويزعجنى أن يفسد يومى كلمه أو رؤيه شخص متطفل،مؤخراً اكتسبت مهارة التخطى واكتشفت أنى أستطيع تجاوز ماكنت لا أطيق مفارقتهم ليس نكران أو جحود ولكن حدث ذلك بعد مواقف كشفت العديد من الأمور وهى من حددت مكانتهم الجديدة ، اعتزلت الجميع وأصبح لحياتى باب واحد وهو الخروج،حياة أصبحت بارده؟ لكنها آمنه،فأنا اكتفيت خيبات وامتلأت خذلان حتى فقدت الثقه بكثير من العلاقات،ظاهريا أنا وسط حشد من الأشخاص لكن فعليا أنا لا أنتمى لأحد منهم،اقتربت أكثر لذاتى ولمن هم تحت رعايتى ومسؤوليتى، لست بوحيده ولا يومى يضج بالأحداث لكنى وجدت طريقه تناسبنى فى الحياة بسلام. 

#mena_hassan 

إلى عرفات

                 إلى عرفات النفس تشتاق
                       والروح تهفو جئنا نكمل الأركان
                       وإلى الحجيج فأنظر جمعهم
                       لبيك يهتف بها كل قاص ودان
                       والقلب من شدة الحنين غايتهُ

ينعم بقرب المصطفى العدنان

#mena_hassan 

من كل فج عميق

أول بيت وضع للناس الذي بمكة

هُدي للعالمين وفي الصلاة قِبلة

من كل فجٍ عميق يأتون إلى الكعبة 

ليؤدوا المناسك في الحج والعمرة

لبيك اللهم لبيك لكَ الحمد والنعمة

هنيئاً لمن وعده الله بالطواف سبعه

ويالهفتي للسعي بين الصفا والمروة

والعطر يفوح مع الضياء في الروضة

وأغسل فؤادي من الذنوب في عرفة

عند الغروب يأتي النفور إلى مزدلفة

كل الحجاج في مِني يرمون الجمرة

وهنا في مكة مع الوداع كانت العودة

اللهم تقبل منهم ولا ترد لهم دعوة

#mena_hassan 

آخر أحزاني

سكنتك قلبى وعشت فى وجدانى

غرقتنى فى دموعى وأحزانى

خليتك أملى وفارس أحلامى

هديت فى طموحى وفى كيانى

إديتك حب وأخلاص وتفانى

وأنت بتكسر في قلبي تانى..! 

كنت أجمل حلم عايش فى خيالى

صحيت على وهم مكنش عشانى

روح دور على حد فى حبى وحنانى

وأنا مش هاندم على واحد أنانى

هاسيبك وأنت كمان هتنسانى

وإن شاء الله تكون آخر أحزانى

#mena_hassan 

هافضل أحبك

لما عنيا شافت عينك

صالحت كل الدنيا عشانك

يومها سألتك كل ده فينك

عمري ماشوفت أنا زي حنانك

هافضل أحبك كل سنينك

بعشق عقلك ولا جنانك 

ماشي وناسي حتى يمينك

أنا مش هاقدر على نسيانك

قبل ماتبعد سدد دينك

قلبي وروحي هم مكانك

#mena_hassan 

 

لم تأتى بعد..

أتى الجميع وأنت لم تأتي بعد.. 

فى غيابك زاد الألم وتكاثر الحزن بداخلى

 لكنى لم أمل الإنتظار ولم أيأس من عودتك

 أخوض المعارك فى هذا العالم وحدى

 نجوت مرات لكن تكررت الهزائم

 لتجبرنى على الإستسلام

فاضت عيناى بالدمع من فرط الخيبة والخذلان

 فأصبح غيابك واقع صعب تصديقه 

وبات إنتظارى لك قبلة الحياة التى أحيا بها 

فأنا هنا أنتظر حتى تعود أو يأخذني القدر إليك

mena_hassan# 

انسي اللي فات

اللي فات لو كان هينفع

كنا قولنا نكمله

والطريق لو كان بيكمل

بيكون جميل من أوله 

لسه قلبي ناوي يفرح

وينسي كل اللي اتحمله

ينسي مين بيخون ويخدع

ومين اللي باعه ويهمله

لسه قلبي ناوي يرجع 

يشوف الجميل ويعمله

#mena_hassan 

 

مالوش فايده الكلام

بعد فتره طويلة من الغباوة
راحت من على عينى الغشاوة
وأكتشفت إن الطريق كان بينا صعب
وكل وجع كان ليه دوا إلا وجع القلب
ومن إمتى كنتم أصلا حبايب!
ضاع اللى بينا ما بين كاره وغايب
وقت الشدة ملقتش حد منكم جنبي
لا قريب ولا صاحب ده الكل خذلنى
جايين دلوقتى تقلبوا فى الدفاتر القديمة
وتقولوا دى كات عِشرة وأيام جميلة
بعد إيه
ماكانت ليكم مكانة فى قلبى كبيرة
ضيعتوها بقسوتكم وأفعالكوا الغريبة
خلاص هانتكلم فى إيه وليه هانتعاتب
بعد كل الجراح هو ده الوقت المناسب
مالوش فايدة الكلام ومالوش لازمة تقربوا
خلوا البعاد يدواى الجراح
وأهو بالمناسبة تجربوا
#mena_hassan

 

 

سلمت لربنا حالي

عيون بالحب مليانه

وضحكة ود فرحانه

وبحمد ربنا لإني

مفيش مخلوق بيشغلني

ورغم الحيره والأزمه

لقيت الخوف ملوش لازمه

سلمت لربنا حالي

وبشكره في كل أحوالي

يكملها بستره علينا

ويهدينا ويرضينا.. 

#mena_hassan 

مشاعر

هذه الحاله المرتبطه بالسلام والطمأنينه،تجعلك تشعر بالراحة كمن عاد من المعركة بعد ما أضاع عمره في النزال، السكينه التي تحاوط قلبك وروحك، تجعلك تغفر وتسامح وتهدأ بعد خوف طويل، السند عندما يسقط كل شئ حولك، دائرة يدور فيها الأمل والطموح والسعادة معا، هذه المشاعر هي الحب الذي يجعل روحك نقيه تحب الخير، وتسعد بالعطاء، تحب الحياة مهما كانت مشحونة بالمشاكل،توهبك طاقة لتقاوم كل هذا.. عليك أن تنتهز كل فرصة تهديها لك الحياة لتنعم بحياة سعيدة كلها حب

#mena_hassan 

أنا عارفك جداً

أنا عارفك جداً ومصدق.. 

أصل أنا من مده وأنا براقبك

حاسس بهمومك ودموعك 

والجرح اللي معدي وقسمك

مش عادي ده كل اللي حصلك 

الكل هناك واقف ضدك.. 

شايل علي كتفك كام مبدأ

وبتهتف في الحرب لوحدك

مستغرب ليه.. 

 ده من دمك ولا ده صاحبك

ومحدش سامعك ولا شايفك

بس أنا شايفك.. 

 وعارفك جداً وبصدق

إنت عنيد وبكره هتسبق..

#mena_hassan 

أسال روحك

إحساسي بيك اختلف

يوم لما شوفت عينيك

ده أنا يومها قلبى اتخطف

ولقيتنى ملك إيديك

دق الغرام بابي

وبقيت لى كل أحبابي

وإن غبت عنى ياعمري

ألاقينى بحلم بيك

وعايزنى أوصف إيه.. 

إحساس وصعب أداريه

بس الكلام كله

هايقول فى وصفك إيه

إسأل قلبك يدلك

وإسأل روحك تقولك

يعنى إيه

لما الدفا يحضن شعورك

وأما القمر يسكن عيونك

وبكلمة واحدة تقولها

يحلو عمرى أنا بيك

واسمه إيه

شوق العيون لنظرتك

كل الجنون فى ضحكتك

واما ألمحك أحتار بإيه أناديك

مليون إحساس ولايوصف

إحساسي أنا بيك

ده أنا لو قضيت العمر أوصفك

ولاكلام الدنيا يكفيك#mena_hassan

لعبة الحياة

لم أتعمد إفلات يد من أحببتهم، وهم تعمدوا تركي وخذلاني،الحياة دائما كانت تضعنا عند مفترق طرق، وكان علينا أن نختار، لم أمتلك شجاعة إتخاذ القرار، وهم كانوا أمهر مني في ذلك، لم أكن أمتلك البديل وهم كانوا لديهم خطط وقوائم وبدلاء،،كنت قنوعه لدرجه أقرب إلى الزهد، لكنهم علي قدر من الطموح جعلني أشعر بالعجز،مفهوم السعاده عندي يمكن اختزاله في لحظه أو في معني وقيمه ليست مرتبطه بشئ دائم، يرجع هذا لأني تعودت أن لاشيء مضمون أو باقي، تعودت أن أعيش علي الهامش خوفا من التعلق،فكل من تعلقت بهم تركوني،نعم لم أتمسك بالفرص التي قدمتها لي الحياه لعدم ثقتي فيها كانت لعبة خسرت فيها كل الجولات،كل المواقف كانت صادمه وغير آمنه،ودائما أقف علي أرض هشه لا أمان فيها،الحياة أحرقت قلبي وتركته فارغا لا يأمن البشر وحتي لو شعر بالسعاده يلتفت يمين ويسار خوفاً من غدرها.. 

#mena_hassan 

النفاق

 كل على شاكلتة يعرف مُبتغاه

فلاتأسفن على خِل

 وشم النفاق بين عيناه

فـ ربك هو عالم الغيب 

وماتخفي نواياه 

يحاسبه على مانطق به لسانه 

وماقدمت يداه

 #mena_hassan

هتعدي

 وهتعدي.. 

زى ماعدت قبلها بسنين

ولو راهنوا على إرادتي

وضحكوا عليا شمتانين

وأنا قلبي على قدي

ونايم كل ليله حزين

لكن دايما على وعدي

وإن خانوا ناس تانيين 

ولو الكون وقف ضدي

كفايه عليهم بس يومين

وتحدي

هلملم جرحي أنا بيدي

وهحلف وأنا كلي يقين..

هتعدي 

زي ماعدت قبلها بسنين

#mena_hassan 

 

اليوم العالمي للمرأة

في #اليوم_العالمي_للمرأه
شكرا لأنك ملتزمة بدورك المهم في المجمتع وأديتي واجباتك تجاه أسرتك وعملك علي قدر ما استطعتي،شكرا لإنك فخوره بأنك أنثى وليس ذكر،وتمتلكي من الثقافه بأهمية الفرق بينهما وليس التفريق، شكرا لعدم إشتراكك في ماراثون الندية العقيم ، شكرا لكفاحك المستمر والحفاظ علي حقوقك وكرامتك دون المساس بحقوق وكرامة الآخرين، وإثبات وجودك ونجاحك في الكثير من المناصب والوظائف وعلي رأسها أنك مسؤوله عن إنجاب و تربيه أجيال سويه نفسيا وعلميا ستكوني فخوه بها، شكرا لوجودك ياحواء كل سنه وانتي طيبه ياغاليه ❤️🌹 #mena_hassan

سي الأستاذ سيد وأمينه

احم احم سلامو عليكو

وعليكم السلام ازيك يااوستاااذ محماااد☺️

اخرسي محمد مين يا وليه ده انتي ليلتك مش معديه🤨

يووه معلش ياسي الاوستااااذ سيد☺️

انتي بتتريقي عليا ياوليه😠

لا أبدا ياخويا ده الست #ياسمين_عز اللي قالت أناديك كده 

ياسمين.. إذا كان كده ماشي 😁

وماله صوتك كده انتي عيانه؟ 

لا بعد الشر ده الصوت الشتوي ياسي الاوستاااذ سيد😉

لا اتعدلي كده وانتي بتتكلمي

ماهو الشتا لسه مخلصش ياسي السيد😊

قومي ياوليه حضري العشا😠

حاااضر بس قولي نسبه جوعك كام ٪😏

لا بقا انتي تقومي تروحي علي بيت ابوكي😠

أبويا نايم في الاوضه التانيه ياسي السيد😌

امينه أنا هسيبلك البيت وامشي🤦‍♂️

انطقي ساكته ليه انتي موتي 😖

ما أنا مينفعش أتنفس وانت بتكلم ياسي السيد🤐

#mena_hassan 

وحداني

والقلب طول عُمره بيقاسي ويعاني

ولا عُمره قال ليه أنا عشت وحداني

أدور بين وشوش الناس على حد يشبهني

ما آلاقي غير إحساس بالخوف بيسكني..

وفي عيني تبات دمعه من بدري حيرانه

وفي قلبي هنا غصه مهمومه،،زعلانه..

مبقاش كلامي يفيد ولاحتي ليه معنى 

هقول لمين وأعيد ومفيش اللي يسمعنا

 #mena_hassan 

بحبك يابلدي

 بحبك يابلدي

بلدي بحبك  يقولها لساني 

ويشهد بحبك قلبي وكياني

مصرالمنارة أرض الحضارة 

شعب عنيد مايقبلش الخسارة

يضحي بروحه وحياته فداها

ويتصدى للى أذاها وعداها

عشانها العمريرخص ويهون

 دى بلدى العظيمة أم الكون

هاقولها بقوة هاقولها بتحدي

أنا أدفع حياتي فداكي يابلدي

بلدي الأصاله أرض  الكرم

ويشهد تاريخها وحتى الهرم

ومهما يحاولوا إثارة الفتن

هاتبقي يابلدي فوق المحن

مسلم مسيحي أخوات وجيران

هايقفوا فـ وش الإرهابي الجبان

تعيشي يابلدي تعيشي وتسلمي

ولادك فى حضنك ولايوم هاتندمي

بحبك يابلدي وعلى أرضك هاعيش

حياتي فى بعدك دى ماتساويش

14-4-2013

مش هلومك

مش هلومك مش هعاتبك

ولو في يوم صدفه قابلتك

هعمل نفسي إنى نسيت

وهعرفك إزاى قسيت

ماهو كله منك وبردو ليك

وآدي النتيجه من حبي فيك 

علمتني واخدت طبعك

وفى القسوه طلعت شبهك

إنسى العتاب وقلبك ريحه

وقلبي إنساه وبطل تجرحه

#mena_hassan 

الرواية

قطعتلك الرواية 

ومش عايزه دور البطوله 

خلتني السيئ فيها

مع إن أنا المقتوله

شوفلك أبطال جديده

ألف وغَير الحقيقه

على وضعي وهكون فريده

حتي لو أعيش وحيده

#mena_hassan 

كفاك حنيناً

كفاك لهثاً خلف من غابوا ولا تخلق أعذار لمن  أخطأوا، وكفاك حنيناً لمن لا ود له، كفاك مجامله أشبه بالنفاق، وكفاك تمريرا لأخطاء غيرك، فالكل يعرف ما له وعليه والكل على قدر كافي من الوعي ليعلم مايريد و لا يريد ، فقط بقليل من التركيز والهدوء وتعيد حساباتك لبعض الأمور ستنعم بحاله من السلام الداخلي ، ليس زهداً في الدنيا أو يأس من الحياة، بل وعي وإدراك لحقك فى الحياة بدون مشاكل أو نزاعات لن تجدى شيئا #mena_hassan