صلوا عليه

اختاروا ربنا هديه للعالمين 

سيرته معانا الصادق الأمين 

صلوا على محمد نبينا

ويارب بزيارة بيته راضينا

رسولنا قدوتنا قلبه رحيم

بين أهله الطيب الكريم

سيدنا النبي نور دربي

بصلي عليه يطمن قلبي

الف صلاة وسلام عليه

واللي يصلي ربنا يهديه

#mena_hassan 

لاتلتفت إلى الخلف

 حين تترك لهم حلمك وتمضي لا تلتفت الي الخلف حتى لاتوجعك نظراتهم

 وتؤلمك أصوات ضحكاتهم واحتفالاتهم بانتصارهم عليك

 امضي في صمت وارفع رأسك رغم هزيمتك

 فأنت برغم كل هذا مازلت تحتفظ بقلب طاهر نقي

 لا يعرف الطمع والانانيه

#mena_hassan 

لاتستطيع وصفه

الأمر يشبه حالة الهدوء التي تعقب انتهاء الحرب،هناك علي الأطراف دخان روحك التى احترقت، بجانبها مخلفات دمار وبقايا أمنيات مكسوره، شعور لاتستطيع وصفه،أحداث تتوالى وأنت لاتستطيع أن تكون في الوسط، استنفزت طاقتك لدرجه انك لم تعد لديك القدره علي التواصل، لم يعد لديك حتى القدره علي النهوض من مكانك، فكيف لك أن تشرح لهم ماحدث ومازال ينهش داخلك، وكيف لك ان تعيد ترميم روحك التى لم يترك الدمار جزءا فيها يصلح للترميم

#mena_hassan 

وحشتني أمي

بتوحشني ووحشاني 

أيامي الحلوه وياها

هى اللي كانت سنداني 

وكنت بعيش بدعاها

حضنها كان الأمان 

وراح معاها الحنان

معاها الدنيا ضحكتلي 

وبكيت لما سابتني

أمي غابت عني لكن 

روحها في كل الأماكن 

حنان الدنيا كان فيها 

ومشفتش خير بعديها 

سيرتها الحلوه بين ناسها

والكل يحلف بإخلاصها

هفضل ادعيلها مش هنسى

#أمي في الجنه أنا حاسه

#mena_hassan 

لازم يتحب

 معذوره ماهو لازم يتحب

مغروره بحب أحسن شاب

شخصيته بجد عجباني

مستحمل عقلي وجناني

راجل اوي وقد كلمته

ومفيش حد فى جرئته

بغير لو حد بص ليه 

والناس بتحسدني عليه

مالي عيني ودنيتي

ويسلام لو قالي منتي

جنني بصوته وضحكته

ومش هلاقي في حنيته

#mena_hassan 

بخاف منك ليه

 بقيت أخاف منك ليه

يااكتر حد خوفت عليه

وليه تسيبني لافكاري

وحيرتي ليلي ونهاري

أنام وأصحى أفكر فيك

وشكله حالي ده بيرضيك

سايبني للحيره والوحده 

وكام صوره وكام ضحكه

بعيش عليها مع الذكرى

وحتى الضحكه بقت باهته

جوايا كلام لكن ساكته 

وبخاف أقرب منك ليه

يا أكتر حد بحن إليه،، 

#mena_hassan

عايز الحقيقه

 عايز الحقيقه

مشاعرى ليك كانت بريئه

وانت ببساطه خسرتها

ومش دي الطريقه

تقول بحبك وفي نفس الدقيقه

بتهد كل حاجه أنا ليك عمرتها

دي مش غريبه

بصدقك واتعامل بطيبه

وتخون كل كلمه صدقتها

شوفلك طريقه

سكة فراقنا بقت أكيدة

ومبقتش اللي انت عرفتها

#mena_hassan 

انت قدري

 وتسألني من أنا بالنسبة لكي... ! 

أنت حب عمري لآخر عمري 

تحديت بك الصعاب وعاندت بك حزني وألمي

أسميك قدري وكنت الأجمل والأصدق 

أحببتك بروح نقية لاتفهم معنى اللهو أو الخيانه

 أحببتك بقلب لم يتذوق غير طعم الألم والخساره 

كنت أنت له طوق النجاه

ولروحي قبلة حياه ..

ومهما طال الغياب كنت أنتظرتك،،

وحتى إن أخذتك المدن وعشقت التنقل بينها

ونسيت وعدك أنا لم أنسى

فى غيابك لم يكن للحياه معنى ونسيت العالم 

لأعيش على إحساسي بك وذكرياتي معك

أنتظرك تعود وتعود معك روحي

فإن لم تكن تعرف حتى الآن من أنت بالنسبة لي

أنا أعرف.. 

أنت قدري،،

#mena_hassan 

لما تسامح

 لما تسامح اللي اذوك

انت بتثبت طيبة قلبك

لو يوم خانوا أو ظلموك

ده مش عيبك ولا كان ذنبك

تشتري فيهم وهم باعوك

عند ربنا هيكون عوضك

اصفح عنهم صفح ملوك

ولو يوم غلطوا مش هيهمك

واسمع بس نصيحة ابوك

صاحب اللى بيكون شبهك

#mena_hassan 

حبتني ليه

 هو انت إيه قلبك حجر

شايف عينيا الدبلانين

من البكا وطول السهر

وهقولك إيه حبتنى ليه

عشان تسهرني الليالي 

مليش ونيس غير القمر 

ابصله واشكيله حالي 

ولان حالي ده بيعجبك

خليك بعيد مش هسألك 

وإن حن قلبي أنا هفتكر

إنك نسيته وقسيت عليه 

كان بين إيديك ضيعته ليه

قلبك أناني عرف ينساني

وعلي البعاد خلاص قدر

#mena_hassan 

قلبي ومفتاحه

وسرقت القلب ومفتاحه

نسيته همومه وجراحه

مبقتش أداري عليك حبي

وهقولك كل اللي فى قلبي

بقى حلم حياتي اني أشوفك 

وأنام واصحى أسمع صوتك

أحلف وأنا عارفاك هتصدق

ده الحلم معاك هايتحقق 

والخوف اللي اتمكن مني 

هيروح لما أنت تطمني

والجنة اللي بيحكوا عليها 

من غيرك عمري ماهلاقيها

ده معاك القلب ومفتاحه 

هيشوفك تبدأ أفراحه

#mena_hassan 

غيابك ده ليه

 ومهما غيابك كان قاسي وطويل

هتفضل حبيبي وحلمي الجميل

وديما في بالي وبسهر ليالي 

أنادي وأقولك واحشني ياغالي

بحق الحب الكبير اللي بينا

وكل الحاجات اللي ليها معنى 

هتفضل حبيبي وعمري اللي جاي 

وتفضل لعيني نورها وضي

وقلبي اللي إسمك كتبته عليه

بينده يقولك غيابك ده ليه؟

#mena_hassan 

رجعت لمطرحها

رجعت لمطرحها 

 وكفايه قلة قيمه

ودموعها تمسحها

 كات تجربه أليمه

ده مكنش يفرحها

 لا وشايه ونميمه

هتلم فى جراحها 

ويارب تبقى سليمه 

#mena_hassan