هنكتب عقد

من كام يوم ناديته بجد

هات الورقه هانكتب عقد 

نمضي عليه وتحلف وعد 

أنا قررت ان انت توافق

أبعد عنك وهانتفارق

مش راح أقرب منك تاني

وهاتبعد عني وتنساني

ولما أقولك انت واحشني

اوعى ترد تقول وحشاني

انسى ونسي قلبي هواك

وأنا هانسى أيامي معاك

بس هاخلي يومين اتنين

مش هانسى لو عدوا سنين

أول يوم قولت بحبك

ودلوقتي قطعت العقد

#mena_hassan 

حبيبك فين

في وسط التوهه والعتمه

بشوفك في السما نجمه

تنور روحي وانت بعيد

وشوقي كل يوم بيزيد

ويسألني عليك قلبي 

أقوله ده جاي وبخبي

أنادي عليك متسمعنيش

كفايه خلاص متوحشنيش

هعلم قلبي يقسي عليك

ولا هاسهر أفكر فيك

أنسى وبس هم يومين

ويسألنى حبيبك فين ؟ 

أنا هنا ياحبيبتي وسامعك

ولآخر عمري هكون جنبك

إزاي تفتكري إني نسيتك

وانتي الوحيده اللي هويتك

ده أنا شايفك حلم بيتحقق 

هيحلي حياتي أنا مصدق

يارزق من السما جالي 

وبدعي يارب يبقالي

ده وعد عليا وبقولك

تبقي شمسي وأبقي ضلك

بس أوعى تقسي قلبك

قلبي عايش عشان بحبك

#mena_hassan 

فوضى مشاعر

ذاكرتي تعج بفوضي مشاعر، ومشاهد طالما حاولت نسيانها أما جسدي فيرتعش خوفا 

وبداخلي تشتعل الحرائق، أهرب بكل ما أوتيت من تحدي لعلي أتخطي تلك المرحلة الصعبة، 

ف الماضي من خلفي ك الشبح يطاردني بأيادي تشبه المخالب،

والمستقبل مجهول يظهر ك وميض ويختفي، أشعر برأسي يهتز وتفكيري مشتت، 

وتساؤلات تدور في عقلي هل أذهب وأترك كل شئ خلفي وأنسى ؟

 أم أعود لتلك الذكريات لأنال حظي؟

 تمكن مني الخوف حد العجز فبقيت في المنتصف المميت والحيره استعمرتني،

فلا دروس الماضي علمتني ولا الأمل في الآتي أزال مخاوفي

 فأين أنا اليوم مني

#mena_hassan 

خد قلبي

خد قلبي أنا مش عاوزاه

وده عقلي أنا مش فكراه

كان آخر حاجه عارفها

إن انت اللى اتمناه 

إزاي في البعد بتقدر

تشغلني ليالي وبسهر

إنساني وحاول تنكر

الحلم اللي حلمناه

وأنا هفضل كده علي حالي

تشغلني وشاغل بالي

وإن عدي أيام وليالي

حبك أنا مش نسياه

#mena_hassan 

اليوم الدولي للسلام

يوم 21 سبتمبر اليوم الدولي للسلام ومازلنا نعاني من الحروب والاحتلال وهناك الكثير من اخواننا العرب يعانوا التشتت في الدول ولهم وطن لايملك حق الاحتفاظ بكرامة وآدمية شعوبه، فمعني السلام اختصر عندهم في التطبيع مع عدو حصد الالاف الأرواح وبني وطن له علي جثثهم،والآن يزحف بدعوه السلام،إن أبسط حقوق المواطن أن يعيش في سلام علي وطنه، أن لايخاف من قول رأيه،أو يقلق من تأمين قوت يومه،ويعيش في بيته في أمان ،السلام لا يأتي بمقابل أو تحت التهديد،يأتي هذا اليوم في هذا العام ونحن نعاني من عدو آخر هو فيروس كورونا الذي لانعرف هو الآخر نوع من أنواع الحروب أم لا، وفشلت كل الدول في الوصول إلى علاج أو مصل آمن يقي منه،جعل كل منا يعيش الخوف في كل خطوة يخطوها،السلام لا يكفيه يوم لوقف العنف أو إطلاق نار،نحن نحتاج سلام داخلي أولا لن يتحقق إلا بالسلام على أرض الواقع يكون أسلوب حياة وفكر جديد للحكام نراه في كل القوانين والاتفاقيات التي تضمن الحقوق وليس للمصالح الخاصه فأين أنتم من السلام يا أمه لاتعرف معني الوطن ولا السلام وماهو مفهوم السلام بالنسبه لكم وكيفيه تحقيقه 

 #mena_hassan 

عند المفترق

وقفت وحدي تائه بين الطرق
ضاعت بيّ السبل وأنا أودعه
أناجيه سراً على ضوء الشفق
كـ الطير يشدو ولا أحد يسمعه
أرى طيفه في السماء قد برق
وعندما أبدأ في الحديث معه
تخفيه فجأه عني غيوم الغسق
من ذا الذي على الفراق يدفعه
قد صار كل مابداخلي يحترق
وعلى الفؤاد ثقل من يرفعه
وبقيت وحدي عند المفترق
أشكو جرحاً هو كان منبعه
أيها الحاضر في ليالي الأرق
تصاحب الفجر حتي مطلعه
تركت الروح في آخر رمق
تؤلم القلب وتؤرق مضجعه
لاح الصباح بالحق في الأفق
ما كان عشقاً بل كنت تخدعه
يكفي أني من أحب ومن وثق
وأنت من ذبح الفؤاد وودعه

#mena_hassan 

قلبي حزين

معرفش أودي الحزن ده فين

ده كأنه معشش جوايا 

موجوعه وقلبي تملي حزين

حيرانه ومش عارفه دوايا

وأناهاعمل إيه ولا أسأل مين

وده عقلي ولا كأنه معايا

معاكسني الحظ بقاله سنين

والدنيا علي عكس هوايا

طب حتي الصبر أجيبه منين

وده حالي ولا باينله نهايه

#mena_hassan 

رُغما عني

أيكفي الحنين أيكفي التمني

لتعرف أن الفراق أسرني

وأخبر فؤادك ولا تلمني

لأني هجرتك رُغما عني

أعاني إشتياقي وألم الحنين

فتمضي الليالي وحيدا حزين

وقلبي بين الضلوع سجين

ينادي حبيبي كفاك التجني

رضيت الفراق وخيبت ظني

فكيف أنساك وأنت مني

#mena_hassan 

أميل علي كتفك

وأميل علي كتفك يسندني
عارفه هيشيل وهيتحمل
وعمره الكدب ماهيفيدني
من غيرك مش هقدر أكمل
ده أنا كل منايا تكون جنبي
وترجع حكايتنا من الأول
خليك معايا وساعدني
لما الحال يقسي ويميل
ده أنا حباك وانت حاببني
وفراقنا ده مش قادره أتخيل
mena_hassan

تتساءل

تتساءل والحيرة تملأ عينيها

وغيوم الحزن تغطى لياليها

أيخون من كان لجراحى يداويها

هل نسى وعودا أقسم يوفيها

كيف يقسو من كان للروح خليلا

أو يغدر من كان فى الخلق نبيلا

هل وجد لقلبه عن قلبى بديلا

ويتركه يسقط فى هواه صريعا

#mena_hassan 

عِلتي ودوايا

عارفاك عِلتي ودوايا

واخد روحى وقلبى معاك

ليه سايب حبك جوايا 

ومخدتش قلبك وياك

ولا عارفه آخرتها معايا

 مهما بتبعد بستناك

وبخبي حنيني وهوايا

بهرب منك وأنا حباك 

مش لاقيه لقصتنا نهايه

لابقرب ولا عارفه أنساك

#mena_hassan