تعرف

تعرف

كل مكان لينا فيه ذكرى جميلة 

بتنادى عليك كل يوم وليلة 

تسوى إيه كلمة بحبك لو مكنتش منك

 ده الحب كلة اتعلمتة وأنا جنبك

#mena_hassan 

على قيد الحياة

الثالثه صباحاً وبرغم إنى محاطه بهالة من الإرهاق 

لكنى لا أستطيع النوم،تهاجمنى الوحدة فى غيابك

 حتى أفقدتنى الرغبه فى المقاومه،

 استسلمت للأحزان وخارت قواى أمام الذكريات، 

ومن وسط كل هذا الظلام الدامس

 لايزال صوتك يظهر ويختفى (تماسكى) 

فينتفض هذا القلب المحروم من رؤيتك

 وتتصاعد الذكريات مع أنفاسى لتبث الروح داخلى

 وأشعر أننى مازلت على قيد الحياه، على قيد الأمل، على قيد التمنى ،

 ألا يكفى الحنين، ألا يكفى التمنى مع عامى الجديد 

لأنعم ولو بلحظات لرؤيتك تعيد إليا الشغف الذى سرق منى

 وترد لى روحى التى غابت بغيابك عنى

#mena_hassan 

تقع وتقوم

مابين أيام بتعدى فى حيره وخوف

وبين أحلام واخداها عن المألوف

• يعدى العمر تستنى يجى اليوم وتتهنى
• وتنسى الحزن اللى خد منها ليالى كتير
• تنام وتقوم هتتجنن من التفكير
• أيام بتفوت لكن قاسيه وهى أكيد مش ناسيه
• وشوش بالضحكه اترسمت على روحها
• قلوب بالحب بتنور فى ملامحها
• وبتسافر مع الألحان وبتكابر مع النسيان
• وتجرى بحلمها وتضحك مع الفراشات
• وترسم فى السما ملامح بالكلمات
• تقع وتقوم وتعيد الفكره من تانى
• تخاف تحلم لتقضى حياتها بتعانى
• لكن لسه فى صوت من تانى قواها
• تقوم تمسح بواقى الحزن جواها
• وتستقوى على الأحزان وبتعدى مع الأيام
• وترجع تانى تستنى 
• يجى اليوم وتنسى الحزن تتهنى
• #mena_hassan 

ولسه القلب

ولسه القلب متعشم
يداوى جراحه يتبسم
يقابل ناس بيحبوه
ولو يوم غاب يستنوه
شارينه ولا يبيعهم
يعدى العمر وياهم
فاهمينه وعلى هواهم
ده قضى حياته متألم
ولأحزانه ياما سلم
ومتعشم فى بكرا يكون
شايل فرحه تساع الكون
يداوي جراحه يتبسم
وعن أفراحه يتكلم

#mena_hassan 

الرضا

حقيقة الحياة متقلبه فهى لاتدوم على حال، احيانا تكرمك وتمنحك كل ماتتمنى حتى تشعر انك ملكتها، وتاره تمنع عنك كل ماتريد فتشعر باليأس والحزن وكأنك لم تعش ابدا، لتعلم ان دوام الحال من المحال رضيت أم ابيت فهى مستمره بك أو بدونك وكل المحن والمعوقات التى  تقابلها في حياتك ماهى الا اختبارات عليك ان تكافح لتجتازها وتصل لما تريد،فقط عليك بالرضا واستعن بالله فهو مقصدك وملاذك الوحيد فى كل فرح وضيق

 #mena_hassan 

مش ناسيه

دور على الحب بعيد
جرب لو تبقى سعيد
مش هتلاقى فى أى مكان
حد يحبك غير إنسان
شايف كل الكون فى عنيك
وروحه سايبها ملك إيديك
وبتسألنى بحبك لسه
ولأيامنا صحيح مش ناسيه؟
أيوه بحبك وروحى معاك
ولآخر عمرى أنامش هانساك
ومهما تغيب أو تبعد عنى
حبك جنه وشوق ملازمنى
هفضل فكراك مش هانسى
ولا قلبى هيقدر يقسى

#mena_hassan

19_11_2019

الخريف

أتى الخريف الذى يشبه روحى كثيراً، فيه بعض من حب وبعض من حنين وفراق، يتساوى فيه الليل مع النهار مثلى عندما أقف فى المنتصف المميت، ويتصارع بداخلى الحنين مع العناد، طقسى متقلب شمس ذكرياتى دافئه، وغيوم أحزانى مزعجه،تتساقط فيه أوراق الأشجار كبعض الأشخاص،ليتركوا فراغاً باهتاًبعدهم،وبرغم كل مافيه أعشق الخريف مثلك لأنه يذكرنى بك

#mena_hassan

الحب

الحب
هو تلك النسمه الرقيقة
التى تأتيك لتهون عليك متاعب الحياة
هو هذا الشريك وتوأم الفؤاد
 الذى يعينك ويشاركك أجمل اللحظات
هى تلك اليد الحنونة
 التى لاتمتد إليك إلالتحنو عليك وتساعدك
تمسح دمعتك وتحمل عنك أعباء الحياة
هو الإبتسامة
التى تلغى كل الأحزان وتبهج روحك فى أصعب الأوقات
الحب نعمة
 لايعرفها إلا من حرم منها هو كـ باقى النعم
لانعرف قيمتة إلا بعد أن يسرق منا فـ حافظوا عليه
27-8-2019
mena_hassan

غائبى

ياغائبى
جف القلم حزناً
واصفرت أوراقى شوقاً
فما آن الآوان للقياك
وكفاك بُعداً

هدعيلك

مش هكتب عن حبك تانى

ولا أقولك أشعار وأغانى

أنا حبى هخبيه جوايا

وهيكبر ويكفى سمايا

ده محدش حبك كده قدى

مع إنى بدارى وبخبى

وهشوفك بس وهدعيلك

واتمنى الخير كله يجيلك

#mena_hassan

ليله الحزن

ياليلة الحزن شاركينى

همومى وتعبى فى سنينى

نزلت دمعه من عينى

ليالى كتيره إحتارت

ومين دلوقتى يواسينى

لو يوم قالوا دى إنهارت

#mena_hassan

غبار الحنين

انفض عنك غبار الحنين

وللحزن أبداً لاتستكين

فكم من قلوب قتلها أحبه

لا تعرف تعشق وللحب تلين

#mena_hassan

بحبك إيه !

بحبك إيه..!
ده إحساس عدى
كل معانى الحب فى الروايات
ده قرب مش بمكان ولا مسافات
دى حاجة كدة شبه غنوة وعزف نايات
وقصه لو هنحكيها دى عاوزه ساعات
ده شوق بينادى ويقولك تعالى وهات
فرحه تخلى اللى كان قبلك ماضى وفات
#mena_hassan

بتضحك

بتضحك بس فى الصورة

ومن جواها روحها مكسورة

وبتعافر مع الدنيا

وحالفة ماتنهزم ثانية

عشان لسه فيه أمل شيفاه

جوا عيون باصالها بتستناه

وحيدة صحيح لكن راضيه

وبالوجع الحياة ماشيه

بتدعى لربها ده كريم

يهون كل هم عظيم

#mena_hassan