بقايا حنين.

جئت إليك بكل ما أوتيت من حنين

 فوجدتك خاوى اليدين إلا من الجحود

 ف قلبك عقيم لا ينجب الحب 

ولا يعرف معنى الإحساس 

ف رجعت إلى حيث أتيت 

وقطعت كل السبل إليك

#mena_hassan 

مشاعر هشه

هل تعرف معني أن يثق بك شخص يعاني من الخذلان والتيه طوال حياته،كنت الملاذ الآمن له ولكل خبايا نفسه، والشاهد على لحظات ضعفه وإنكساره، فأصبح كومه هشه من الرماد بعد ماأحرقت روحه وحطمت قلبه..لينتهي به المطاف،في ظلام دامس يصارع أفكاره المتلاطمه في بحر الشك، ويسقط على أرض الأحلام فريسه سهله لهواجس أنت من زرعتها بداخله #mena_hassan 

 

الإختيار

 الأمر أصبح خارج عن السيطرة، تضارب في المشاعر بين حزن وسخرية، كل شيء أصبح رمادي باهت، تضحك لكنها ضحكة لا تلمس قلبك فتظهر كأنك تمثل وتنافق أو فقدت عقلك ، ولو حاولت البكاء لا تعرف وتحجرت دموعك ، فالمشاعر محبطه والأفكار مغلوطة، والصدور تضج بفوضي من الكلمات الغير مرتبه، صراع دائم بين التعبير والكتمان، وكلا الحالتين أنت لاتمتلك القدرة علي الإختيار، وقوعك بين مقصلة المسؤليه وسندان الإيجابية جعل الإختيار يحتاج معجزه، ورغم أن مايدور حولك أصبح فوق قدرة إحتمالك، والرهان علي صمتك أوشك علي الخساره ، لكن النهاية اقتربت وحتما ستجد طريقك الذي يجب أن تختاره #mena_hassan 

معركة الحنين

فى كل ليله أضع رأسي علي وسادتي لتبدأ معركه الحنين بداخلي، يمر أمامي شريط الذكريات يصفعنى شوقا لمن اغرقتهم عشقا واشبعتهم هجرا ف يؤلمني قلبي علي فراقهم وتعانق روحي روحهم فـ تناديهم دموعا لا تراها عيونهم، مااقساها تلك الحياة التي تجعلنى اخسر كل معركه اخوضها لأعود إليهم

#mena_hassan 

استطعت النهوض

#أعترف أني لم أستطع أن أستدير بوجهي لمكانه الطبيعي، فالصفعة كانت قوية ومباغته لدرجه أفقدتني التوازن، ولأني شديدة الحساسية ولا أجيد المواجهه اخترت الصمت والهروب،فالحياة لاتحاربني بشرف ودائماً تتخذ أساليب المكر والغدر معي، وتختار التوقيت الذي أكون فيه في قمة السعادة وتصفعني بقوة، وكأنها تقول ليس من حقك هذا الشعور، وبرغم أني أعلم ذلك ولي معه تجارب وحدود تشبه الأسلاك الشائكه التي أحاول بها وضع فاصل بيني وبين تلك الحروب، لكنها دائما كانت تنال مني، هي لاتعلم أن الصفعات توقظ العقل وتشد الإنتباه، وأن لولا السقوط ماكان النهوض،الآن بعد ماأخذت نفساً عميقاً بعمق الألم الساكن بداخلي استطعت النهوض واستدرت برأسي لأواجهه كل ماهو آت، حتي لو كان مزيداً من الصفعات فأنا تعلمت كيف أواجه وكيف أدافع وأنهض بعد كل سقوط

#mena_hassan 

 

ليت العمر يعود

ليت العمر يعود 

ولن اسمح لهم بالإقتراب 

فقد أكلوا قلبى ظلماً 

وسفكوا مشاعرى غدراً

 لكني فى نظر نفسى 

أنا من عرفت الحب طهراً

وزرعت الصدق عهداً

وسأحصد الخير يوماً

                   #mena_hassan 

 

همسات خريف

مازلت أرتدي رداء الصمت، واختبئ تحت مظلة الهروب، أقتسم الضياع بيني وبين قلبي الذي أرهقه الغياب،في الصباح أتجول في شوارع النسيان فتتساقط فوقي أوراق الخريف الصفراء الخاليه من الإحساس ، وأقضي الليل في إرسال رسائل فارغه..لاتصل رغم أنها تعرف العنوان، أقضي أيامي في تدوين مشاعري تاره وجلد ذاتي تاره أخرى، أنتظر المطر رغم أني لا أحب الشتاء، ربما يغسل مابداخلي من ذكريات مؤلمه، ويروي حديقتي الجرداء

#mena_hassan 

محمد نبينا

صلي على محمد نبينا

بمولده النور هل علينا

رسولنا هدايه للعالمين

إسمه الصادق الأمين

نعمة ربنا وهديه لينا

بالقرآن وأحاديث تهدينا

بذكر نبينا اطمن قلبي

وسيرته معايا تنور دربي

نبينا آخر المرسلين

هو شفيعنا يوم الدين

صلي علي محمد نبينا

وبزيارته ربنا يراضينا

#mena_hassan 

أبطال العبور

أبطال جيش مصر الجسور

حققوا النصر وحصل العبور

وعلى أرض سينا كتبوا العلامه

هنفضل نحارب ونحمي الكرامه

بإيدينا هنعادي اللي يعادينا

وهنحمي بلادنا وأراضينا

هزمنا العدو وعبرنا القناه

وعلمك يابلدي روحنا فداه

#mena_hassan 

رفوف الذكريات

على رفوف الذكريات

 ترقد تلك الرواية

أخفت الأتربة عنوانها

أضاعت ألوان غلافها

ترقد بين مقتنيات عتيقة غالية

تعج من بين أطراف أوراقها البالية 

أصوات وصرخات ذكريات ماضية

ظلت أعوام معتقلة حبيسة بين سطورها

تنتظر يوم إطلاق سراحها 

وأكتمال تفاصيل فصولها

#mena_hassan 

ذكري مولد خير خلق الله

بمولد سيدنا النبي محمد صل الله عليه وسلم، هو مولد النور وخروج الناس من ظلمات الجهل وبدايه للهدايه إلى الإسلام، مولد نبينا هي ذكري لها فضل علينا جميعا فلولا مولده لما كانت كل الشعائر والمناسبات الدينيه كلها، لما كانت الفروض والقرآن والصلاة ، ذكري مولد النبي تدخل الفرحه في قلب كل مسلم ومسلمه، فهي مناسبه تحمل معها كل أسباب السعاده وبدايه للإيمان بالله عز وجل، نبينا محمد عليه أفضل الصلاة والسلام هو أكبر نعمه أنعم الله بها علينا واقترن الإيمان بنطق إسمه في شهاده الإسلام والتوحيد بالله، حبيب الله محمد فرح بمولده العالمين هو خير خلق الله جميعا فلا تلوموا من يحتفل فلا تحرموا الإحتفال بمولده وأنتم تحتفلوا بأعياد الأوطان والملوك وصلوا علي من يشفع فينا يوم القيامه 

#mena_hassan 

هتعيشوا صح

الكراهية والشماتة والحقد

 الحسد والغيرة 

النفاق اليأس والتشاؤم والحزن

 هى دى الامراض اللى بجد اللى بيعانى منها أى واحد فينا

راجع نفسك كده ايه بيسبب الضغط والسكر

 الا الانفعال اللى ناتج عن حاجه من دول

 مين بيجيب آلالآم المعدة والقولون غير النرفزة 

اللى لو دورت على الاسباب هاتلاقيها جايه منهم

 الجلطات والذبحات اللى مابقتش تفرق بين كبير ولاصغير

 مين السبب فيها غير كل الامراض دى

 كل واحد سايب نفسه لشهوات الدنيا 

ورغبات ما بتخلصش وشاغل نفسه بالناس

 وبحاجات لو سكت شويه وبصلها هايلاقيها ولا حاجه 

ولاتسوى لحظة تعيش مرتاح البال وبصحتك 

مش شايل الهم وبتنام من غير كوابيس 

دى ما تستاهلش انك تحارب الامراض دى ؟

 اللى بتدخلك فى هم ونكد وتفسد عليك عيشتك 

جربوا سوا نبدأ يوم جديد

 ما فيهوش لا غيرة ولاحسد ولانقطة حقد على حد 

جربوا تعيشوا بس عشان ترضوا ربنا

وشوفوا الفرق فى حياتكم وعلاقاتكم بالناس هاتبقا ازاى

هاتلاقوا اليأس والتشاؤم لوحدهم بعدوا والحزن اختفى

 وحياتكم نضيفه وهاديه 

وراضين باللى ربنا ادهولكم هاترتاحوا

وهتعيشوا صح

#mena_hassan 

بتفارق

مكتوب عليك تعيش وحيد بتفارق

تهرب من الشوق،،تخبي الحنين

كتبت بإيديك إسمك مع الغايبين

وآدي النتيجه مبقتش بينهم فارق.. 

#mena_hassan 

لوحدي

حواليا كتير

لكني بعيش الدنيا لوحدي

ملهوش تفسير

غير إن العالم هو حدود أوضتي

مفيش تقدير

ومحدش بيقدر طيبتي

من غير تبرير

ف تحاول وتشوه صورتي

صبرت كتير

فبلاش تتمادى وتفقد ثقتي

على العكس بصير

هابعد واحفظ ليا كرامتي

كان قلبي كبير

بس اللي بيحصل فوق طاقتي

وأنا هبقا بخير

وهدور بس على سعادتي.. 

#mena_hassan 

كن معي ياالله

وقلبي ياالله يعطف علي الجميع إلا أنا ، وعقلي يالطيف يرأف بالكل إلا نفسي، يأتي عليها كعاصفه تجلدها من كل النواحي بلاشفقه،ولارحمه يفرغ كل غضبه عليها، كما طفل يتيم يتخبط علي أرصفة الشتاء البارده،لا يجد من يرحمه أو يفهمه، فكن معي ياالله حتي أنجو من هذا الضياع واليأس، عوضني ياالله عما فقدت وأرضنى بما أنا فيه، وارضى عني

#mena_hassan 

فراق وعتاب

قلب يسكن بين ضلوعي لايعرف غير العذاب 

كتب له أن يئن ويتألم لفراق الأحباب 

يبحث عـن عذر لهجرهم وأى أسباب

دموع الإشتياق على وجنتي كـ مطر ينساب 

فى خشوع تطرق بالدعاء للسماء الأبواب

تتلهف لتعرف أخبارهم ومتى ينتهى الغياب 

أحترق بنيران الفراق كـ جذع شجرة فى يد حطاب

أرهقتنى شكوك وهواجس تحاوطني بالضباب

تستغيث الروح بداخلي من فراق بلغ النصاب

أعاصير ألم تجتاحنى أمل الشفاء منها سراب

فارقني نومي وأثقل حزني الأهداب

تتعثر أنفاسى بداخلى، تختنق يالهُ من عقاب 

عالقه تحت أنقاض ذكريات من كانوا يوماً أحباب

يتفاقم الحزن بداخلى ويزداد الأضطراب

لعنه أصابتنى بغـيابهم وسُوء مصاب

أوراقى مبعثرة، قلمى سئم كل ألوان العتاب 

خاب ظنى فيهم من كانوا يوماً أهل وأصحاب 

أتمسك بالأمل ومعجزة تُبشر بموعد الإقتراب

وإلى الله شكواى بفراقهم,وكلمات العتاب 

متى ينتهى فراقهم فـ غيابهم أكبر الصعاب 

ويعـودوا كـ فجراً مشرقاً بعـد طول غـياب

#mena_hassan 

بيحب بضمير

 انت عارف يعني إيه

حد بيحب بضمير

يعني فكرة إنه ينسى 

عنده تبقى مستحيل

يعني حب الناس في كفه

 وانت حبك عنده غير

يحلف هيكمل طريقك

مهما كان صعب وطويل

ولو قالوله ده مش هينفع

وكانوا حسادك كتير.. 

يرد أنا مكمل معاك

 وهقدر أتحمل واشيل 

#mena_hassan 

أصلا عادي

أصلا عادي

ده نصيبي من الدنيا اطبطب وأدادي

وأداوي جراح الناس

وأنا قلبي من القسوة ينادي

مين حس في يوم

بالهم اللى أنا شايله وراضي

مين شاف الدمع اللي فى عيني

وأبان للكل إن أنا هادي

محروم من الفرحه

اللي شايفها بعيني وقصادي

أنا عايش في الدنيا لوحدي 

وحبايبي في وادى وأنا في وادي

حيران مش عارف أفرق 

 بين بكرا ولا ده كان ماضي

#mena_hassan 

مصافحة قلب

ماأجملهم فى البدايات كلهم رائعون

تجمعنا بهم الصدف أو القدر يرسلهم كـ هدايا

نسقيهم ماء مشاعرنا ويقتاتوا على آحاسيس اختزلت العالم فيهم

فيشتد عودهم وتزهر أرواحهم ورودا يفوح رحيقها سعادة فى كل مكان

نتخيل أن حياتنا ستكون أفضل بوجودهم فيها 

فنترك الماضى والأحزان بعيدا

 ونفتح لهم باب المستقبل بكل مافيه من أحلام

نمنحهم الثقة ونملأ حياتهم بالفرح ليكونوا الأسعد والأروع فى كل شىء

إلا الإخلاص وإستمرارهم فى وجودهم على نفس الصورة

تلك الصورة الملونة بالنفاق والغش التى تعرفنا عليهم فيها

ليسقط قناع طالما أخفى عيوبا لم نراها من قبل فيظهروا بأبشع صورة

فتنهار الثقة ويحل محلها خذلان لانهاية له وتتبدل الصور الملونة 

بأخرى قاتمة بشعة تدخل على روحك اليأس والإحباط ولماذا؟

لأنك وثقت وفتحت أبواب قلبك لمن لايستحقون الثقة

سلمتهم مفاتيح روحك ليسرقوا البسمة منها ويزرعوا خناجر الغدر فيها

ويرحلوا بعد ماأخذوا منك قدرتك على التكيف مع تلك الحالة 

التى ربما ستكون مزمنة لفترة من الزمن تسلبك قدرتك على المقاومة

فتصبح إنسان هش قابل للكسر من أقل دفعة أو أمام ابسط الأزمات

وتنتظر نهايتك مكتوف الأيدى مصلوب على مقصلة الذكريات

وأنت لاتدرك بعد أنك أصبحت من مخلفات ماضيهم وتجاربهم المقيتة

هل تلك النهاية الدرامية تليق بك؟

لا أبدا لايجب أن تليق بك فأنت فقط من تحدد طريق حياتك 

وأنت من تسير فى هذا الطريق لتصل بنفسك للنهاية التى تليق بك

ومايليق بك هو نتيجة عملك وصنع يديك 

إن كنت تدرك حقا أن بداخلك من لايستحق وجود هؤلاء

فدعهم يرحلون وأعطهم تذكرة ذهاب بلاعودة وأغلق خلفهم

كل الأبواب بأقفال متينة غير قابله للفتح أو محاولة فك شفرتها

ويوم تكسر تلك الأقفال ليدخلوا حياتك من جديد

أعرف جيدا أنه يوم إنكسارك أنت...

فإرادتك على تحدى تلك الذكريات المؤلمة هى من ستحدد

إستمرارك فى الحياة دون منغصات ومشقه

لتصافح قلبك من جديد وتعقد معه إتفاقية سلام

تعاهدة فيها على أنك لن تخذله بعد اليوم 

وتبدأ فى كتابة أولى فصول تاريخ حياتك التى تضىء سطوره

بكل ماهو جميل يشرفك أن تقرأه أجيال من بعدك

#mena_hassan 

إيه ممكن يتعوض

ديما بقول إن الحاجات الماديه ممكن تتعوض أو حتي نستغني عنها إنماالأشخاص لأ ،فيه ناس بتشوف شخص عنده كماليات أو ماديا مش محتاج حاجه، لكن لو دورت وراه هتلاقي ممكن الدنيا تكون خدت منه اثمن شئ مستحيل يتعوض، زمان فقدت أشخاص مستحيل تتعوض وفقدت مشاعر مفيش ماديات عرفت تعوضها،وكنت تعيسه جدا وأغلب مشاعري هروب علي حزن ويأس، حاليا الماديات مش أحسن حاجه زي بقيت الناس وكل المستويات بيشتكو،واضطريت أستغني عن حاجات كنت أفتكر إني مقدرش أعيش من غيرها ومع ذلك مش حاسه بنفس الخسارة أو الحزن اللي بحزنه علي فقد بني آدم أو قيمه ، ده يأكد إن مش كل الناس ماديه وإن الفلوس فعلا ممكن تكون طريق لاسعادك لكن مش هي اللي هتسعدك، ممكن تسفرك تتفسح لكن مش هتشتريلك الناس اللي تونسك وتحبك، ممكن توفرلك الأكل والشرب لكن مش هتشتري النفس اللي تخليك تاكل، توفرلك حاجات كتير لكن ممكن الصحه ماتساعدش إنك تتمتع بيها أو تفقد الشغف اللي يخليك تستغلها، كلام ممكن يكون مثالي أو خيالي للبعض وده هيكون عشان مجربش اللي غيره مر بيه، أو ممكن الماديات عنده ليها اولويه، نصيحه اتعلموا الإستغناء عن أي شئ واستعدوا ليوم ميكونش موجود واكسبوا نفسكم واللي بتحبهوهم ده أعظم مكسب #mena_hassan 

لبيك يارب الورى

لبيك يارب الورى

أسمعها في أم القرى

قلبى إليها قد جرى

أدعوك ربي تضرعا

لزيارة الحرم مُلبيا

وأطوف حوله مُكبرا

لبيك قلبي قد دعا

وإن لم أكن مُحرما

فالنفس تهوى مكةً

لأصلي فيها خاشعاً

لبيك  يارب الورى

 لبيك بالدموع أكبرا

#mena_hassan 

الإنسان الطيب

الإنسان الطيب اللي بيستحمل ضغوط وسخافات اللي حواليه ويعاملهم بما يرضي الله،يكظم غيظه وقت الغضب ويبعد عن اللي بيستفزه ويقفل مداخل الشيطان بينه وبين اللي بيفتروا عليه بالصبر والحِلم،بيشيل فوق طاقته ويحاول يعمل اللي عليه ويراعي ضميره،وبيكون مستني العوض والجزاء من ربنا لانه متمسك بدينه والقيم اللي اتربي عليها،الناس بتشوفه طيب ومقدور عليه وبالبلدي أهبل ونديله علي دماغه أكتر،وتلاقيهم عند اللي صوته عالي وقليل الأدب وبيشتم يخافو منه ويعملوله حساب،ده بيكون واضح أوى في أماكن العمل أو بين أفراد الأسرة أو حتي بين الأزواج، انتم عارفين الناس دي بتعمل إيه، بتهد في المجتمع وبتحط الناس الطيبه في صراع قاتل وفتنه داخليه بين وعد ربنا ليهم (الكاظمين الغيظ والعافين عن الناس والله يحب المحسنين) وبين إنهم ياخدوا حقهم بأيديهم وميتقالش عليهم ضعفاء وناس هبله، الناس دي شياطين الأرض اللي بيقلبوا الموازين ويغيروهم للأسوأ في لحظه لان مش كل واحد بيقدر يفضل طول عمره يعافر ويحارب لوحده وهو متشاف ضعيف وبيستقلوا بيه، فبلاش تراهن علي مساحة الطيبة جوا اللي قدامك لان في لحظة ممكن تخلص وتشوف واحد تاني .. 

#mena_hassan 

ارسمو صورتي

ارسموا صورتي علي الحيطان

لونوها بالألوان... 

شوهوها،،لخبطوها

قولوا خاين أو جبان

تطلع الصورة العجيبة

حاجة أبعد من الحقيقة

وشوفوا مين اللي هيقدر

يبص فيها ولو دقيقة..

#mena_hassan 

لا وقت للدموع

كفاك قلبى لا وقت لدينا للدموع

فالحزن عليك من اليوم ممنوع

لقدإنتهى عصر الذل والخنوع

كفاك وإهدأ ساكناً بين الضلوع

وليشهد على قسمى كل الجموع

لغير الله أبداً لن يكون الخضوع

وبعدد ماأمضيت ليالِ موجوع

تردد لهم الدعاء وتوقد الشموع

بحجم خذلان ملء وديان وربوع

وضلوع كانت لهم حصن ودروع

بعدما طعنوك بسهم بالخيانة منقوع

 لن يكون لهم فيك أى حق مشروع

فكل سبيل جمعك بهم صار مقطوع

وأنتهى كل أمل للوصل والرجوع

#mena_hassan 

الغدر

واللى كان بيوعدك يوم 

مايكون سبب لدموعك

هيكون الخنجر المسموم

 ويطعنك فى ضلوعك 

#mena_hassan 

مهرجان النوتيلا

الكل عني اتخلى

وبطلت آكل نوتيلا 

مبقتش أسمع أنغام 

وحياتي هتبقا تمام

وشاي الساعه خمسه

بقيت أشربه سته،،

كده فل وأنا علوضعي

هنساكو وهمسح دمعي

حلفتو تبقو فور إيڤر

بعتونى والجيم أوڤر

نكرتو عيشنا والنوتيلا

وبقيت أنا برا الشله

خلصانه ومع نفسي

لا هصبح ولا امسي

ملقتش معاكو تقدير

وبكرا تشوفو التغيير 

من طنطا ليكو كلامي

ولحبايبي بس سلامي 

#mena_hassan 

ساعة الغروب

ساعة الغروب بتوه قلوب
وتعدي عليك نسمة هوا
بتفكرك،، وانت يدوب
عايش وحيد من غير دوا
حيران تقول أبعد وأتوب
يرد الحنين نرجع سوا 

#mena_hassan 

لقاح التقليه

قاعده لا بيا ولا عليا بخرط الملوخيه ويدوب بدأت اعملها وبطش التقليه الريحه فاحت والشهقه سمعت جيراني في العاصمه الاداريه، الناس اتلموا وقالو الريحه دي إيه يااستاذه، قولتلهم لاتقلقوا ولكن احذروا، انا لقيت نفسي في موقف محرج مش معقول عالمه ذره زيي تكون بتعمل ملوخية بس هنقول ايه حكم القوي علي الوليه😊، وطلعت من الشباك لقيت الدنيا مقلوبه ومش لاقيه اللي يعدلها، قولتلهم أنا بحضر لقاح جدري القرود أيوه زي مابقولك كده، ومعرفش إزاي الخبر انتشر وأم فتكات قالت لام عدلات وزينات قالت لجملات، والخبر وصل لجهات عليا عالميه، وحضرت مؤتمر التجارب البشريه اكلمت فيه عن ابحاثي ودراساتي الجهنميه، وجالي اتصال من جون بايدن عاوز يكون عنده احتكار للقاح(وسجلت المكالمه ياعمرو اديب عشان تبقا عارف) ،وبوتين حلف بالنووي وزعق وقال اللقاح ده يلزمني ياعاصمه مفهماش نووي ، بيني وبينكم لقيت ملايين مابيتعدو وعروض معملهاش زارا ولا ديفاكتو 😊، أنا احترت وفجأه توكتوك معدي وسمعت شيرين وهي بتقول مشربتش من نيلها، قولتلها مفيش غير بلدي أولى بالتقليه 😍ودلوقت احنا في مرحله تجهيز الجهاز وكتب الكتاب اللي هندخل بيه موسوعه أم حسن العالميه😎 

#mena_hassan 

الزهد

يتعجب كيف أصبحت بهذه القوه والقدرة على الإستغناء،من أين أتت  بكل هذا الإكتفاء والزهد، هو لا يعلم حجم الألم الذى سببه لها الفقد فهى إعتادت أن تفقد ماتخشى فقدانه فى أشد أوقاتها إحتياجا له إعتادت على ضربات الحياة الموجعه،وتقابلها بإبتسامه عليله، فطالما أجبرت على إبتلاع مرارة الأيام، وتقبل مايؤذيها ومواجهة العالم بمشاعر مبتوره وقلب محروم،كل هذا جعلها تغمض عينيها عن العالم، وتخفي بداخلها كل هذا الألم ، هو لا يعلم حجم تلك المعاناة فهى بالنسبه له كانت كدمية جميله أبهرته ملامحها من بعيد لكنه حين إقترب لمس الواقع الأليم ولم يستطع التأقلم معه،، 

#mena_hassan 

ارحل متي تشاء

إرحل متى تشاء ,,ولاتنتظر منى رجاء

كن أنيقاً فى رحيلك واضحاً,,بدون إنزواء

إبتعد كيفما شئت,, ولاتلتفت إلى الوراء

 لن أبكيك بعد اليوم,,لن تجد تلك الغبية البلهاء

إرحل وخذ معك أكاذيبك وماتبقى من مكر,,ودهاء

إجعل الرحيل هادئاً ,,راقياً بلا ضجر أو عناء

فلن تختفى الشمس برحيك أو تهجر الطيور السماء

إذهب أكثر,,وكفاك لوماً فقد سئمت الجدال,,والبقاء

خبىء كلماتك,, وأغلق روايتك,,وحيل الأذكياء

إرحل متى تشاء فـ بيننا جبال من الحزن,,والكبرياء

شيدها غرورك ,,وعنادك,, وتصرفات رعناء

لنفترق اليوم قبل غداً,, ونكون للفراق من الأوفياء

زدنى هجراً ,,وأغرقنى بُعداً بلا ملل أو إنتهاء

 وأنا سأبقى هنا أطفىء شموع الحنين كل مساء

سأصنع من جراحى ألف ترياق,,ودواء

وأخرس نبضات قلبى مهما زاد نحيبه ,,والبكاء

إرحل متى تشاء وكن فى رحيلك ....كما النبلاء

#mena_hassan 

زحمة حكي

جوايا زحمة حكى

 وكلام كتير يتقال

لكن من إمتى الكلام

 بيخفف هموم واحمال

#mena_hassan 

اعتزلت الحياة

أعـتزلت الحياة
من قلب حزين يملؤه الحزن,,والآهـ
يعـلن بصرخه قـويه..فى كل إتجاهـ
سأعـتزل ..تلك الحياهـ
وسألقى بتخارف,,وأوهام كلها تزييف
صدق,,أخلاص ,,وفاء أو حتى إنتماء
أكذوبة كبيرة,,وأسخف الأشياء
وسأنعى بكل أسف,,وندم
زمن عـجيب...لايؤتمن
ليست بشكوى,,ولا عـتاب
هى حيره في نفسى,,وغـضب
أبحث فى دنيا..الإغتراب
عن معنى يوحى..بالنقاء
عـن معـنى كلمة> وطن
أو حتى كلمة...أصدقاء!
تُعـينك...وقـت المحن
أما الأحباب ومن كانوا يوماً..أقـرباء
يبيعـون المحبة.. بأرخص ثمن
مُحاولات كُلها...سراب
نتيجتها خذلان,,,وشجن
سأعتزل...تلك الحياهـ
فى زمن لايؤتمن
#mena_hassan 

بعد إيه

بعـد إيه؟
بعـد إيه جاى تتكلم..عـلى اللى فات
حُبك خلاص بقا ماضى ,,وذكريات
بعـد إيه جاى تدور..عـلى السماح
نسيت عـذابك,,وقـلبى المليان بالجراح
بعـد إيه بتسأل..لسه فى حياتِك مكان
ماأنت مليتها غـدر,,ويشهد عـليك الزمان
بعـدإيه بتقولى..إنتى فـى قـلبى وبس
وأنت ماعندك قـلب,,وأى مشاعـر تتحس
بعـد إيه عـامل نفسك برىء,, وبتحبني
وأنت اللى جرحتنى ,,وبقسوة قتلتني
بعـد إيه بتسألني..إيه حيرك وغـيرك
لو بان الصدق فى عـيونك كان ممكن أعـذرك
أيوة كُنت بحبك وكُنت حياتي,, ودنيتي
لكن كُنت ولو نسيت... هاتفكرني دمعتي
أبعـد خلاص ولاتقول آسف ,,ولا ندمان
مابقاش يفيد الكلام,,ولا هايرجع الأمان
#mena_hassan 

هناك خلل

هناك خلل

*************

تحاوطنا الأحداث من كل الجوانب

نرضي ضمائرنا تارة ونستسلم لرغباتنا تارة أخرى

نلهث وراء كل طموح ليأخذ من جهدنا وتفكيرنا

مايكفى حتى يهدأ التفكير فيه

أو نتذوق لذة الحصول عليه

نسابق الزمن لعلنا نربح فى النهاية كأس الإنتصار فى مارثون

غير متكافىء بين بشر وأشباه بشر

ندون فى دفتر ملاحظاتنا جميع الخيبات والإنجازات

فتمتلىء سطوره بضجيج ونتائج تشبة رموز من لغات نجهلها

نكتشف وجود أسماء تتلاحم بحانب بعضها دون فواصل

تجمعهم صفات وتفرقهم مواقف

نرسم على هوامش هذا الدفتر تواريخ تلك المواقف

حتى تجف الأقلام من كثرة مادونتة

ويبقى كـ مرجع نتعلم منه وقت الأزمات

نغلق أوراقة بأطراف أصابع مرتعشة

نستسلم أحيانا لرياح تبعثرنا كـ أوراق خريف ذابلة

لانجتهد لتفسير مايحدث لنا

فصول تتوالى وعواصف تتسابق

ويبقى الصمت سيد الموقف

فنصوم عن الكلام ونعتكف الوحدة

ليس عجزاً ولكن صبراً وحلماً

إلى أن يعرف كل جاهل بالأشياء ماذا حصد

ويسابق عقارب ساعتة قبل أن يفوت الآوان

وينعى فى النهاية نفسه ويكون الندم حليفة والضياع رفيقة

حقيقة واحدة تبقى واضحة

أن هناك خلل ما.. تفشل كل المعادلات فى تفسيرة

وكل الدراسات فى تحليلة

هناك خلل فى الضمائر وفشل فى النوايا

يؤدى إلى تهميش كل القيم وسقوط فى أغلب المبادىء

كى تثبت أن للعدل مكان فى هذا الزمان

فتقع الحقيقة صريعة على أرصفة الضلالات

وتهدر دماء الشرفاء على أيادى الجبناء

#mena_hassan 

قريبا

قريبا هغير محل الإقامة 

وأوفر لنفسي شروط السلامة 

قانوني هيمشي وأكبر دماغي 

مفيش إهتمام وأبطل ملامة

#mena_hassan  

طلع وهم

عايزني أصدق تاني كلامك

وأصدق وعدك وحلفانك

وإن الحب اللي حبيته 

ده أول مره حسيته  

 كشفت بنفسي خيانتك 

وبان في عنيك إيه قصدك

ياريتك قولت إنه كدب

ياريت ماقولت إنه كان حب

طلع وهم،طلع غُلب 

وذكري بتوجع القلب

#mena_hassan 

الوحده

ستخبرك الأيام بمدى قوتك وتشهد عليك الليالي التى امضيتها بمفردك،تنظر لسقف غرفتك تحدثه، تحتضنك الجدران عندما تسقط لتنهض من جديد ،من شدة الوحده تشعر وكأنك فى مكان عازل للصوت، فلا تنادي لأحد ولا يشعر بك أحد، تستمد قوتك من الدعاء ولا تشغل عقلك بمن هم ليسوا بالجوار، فأنت طالما وقعت فى ابتلاءات وخرجت منها بعون الله،وماخسرته فى حياتك لايجعل مجالا لتوقعات أكثر مما أنت عليه، ف الوحده تثبت لك دائما انها ملاذك الآمن الذى تسترد فيه نفسك

#mena_hassan 

 

معني الحب

اللى كتبت أناعايشه عشانه

وأيامي بتدور مع أيامه

شاف الأحلام بره عنيا

حس الدفا مش فى إيديا

فجأه لقيت نفسي على الرف

يرجع بعد أما يدور ويلف

فاكرني اللعبه اللى ملكها

هفرح لما يعيد ترتيبها

مره الأولى ومره سايبها

ومره ألقينى فى آخر الصف

وأنا اللى يحبنى لازم يعرف

معنى الحب اللى بجد

ميحبش بعدى ولا حد

اللى يحبني لازم أملى عنيه

تلقى إيديا مكانها جوا ايديه

لو بينا بلاد وجبال أو سد

يفضل قد الحب،قد الوعد

#mena_hassan 

 

وفر دواك ياطبيب

وفر دواك ياطبيب

الجرح عُمره ماهيطيب

أصل الوجع منطقي

لما الحبيب بيغيب

#mena_hassan 

لتمنح قلبك هدنه

لطالما خُضت معارك وخرجت منها مهزوماً،لأنك تخوضها بنقاء قلبك، وسذاجتك المعروف بها،وعزاءك الوحيد هو خروجك بقلب سليم لاتلوثه كراهيه، لكن الخساره النفسيه كانت فوق قدرتك، حتي أصبحت نسخه مشوهه منك لاتعرف نفسك حين تختلي بها أو تنظر للمرآه، رفقا بقلبك وتلك الصراعات التي تأخذك ذهاباً وإياباً، ولتمنح قلبك هدنه، وعقلك راحه،ربما ترحل عنك هذه الحيره وتتركك تعيش بسلام

#mena_hassan 

الدنيا من غيرك ياامي

#أمى الدنيا من غيرك

لا ليها طعم ولا لون

أنا لما كنت بشوفك

الصعب كان بيهون

والنظره من عينك

تسوى سعادة الكون

ياما عيشت من خيرك

وكنتي سكن بيصون

أنا هفضل أدعيلك

يا أغلى أم حنون

الجنه تبقى مصيرك

ويرحمك رب الكون

#mena_hassan 

سراب

كانت بمثابة رحلة البحث عن الأحلام لم اسعى لها لكنها كانت دعوة يرفقها طوق نجاه لكي أشعر بالطمأنينة، كانت رحله تحمل الكثير من الإثارة والشغف والتعب،وعند نقطة الوصول أكتشفت انها كلها سراب،هنا فقط شعرت بنفاذ قوتي وإني استهلكت بكل مافي من طاقه، فتركت يدي تتهاوى تاركه كل ماتبقى من شغف كنت اتمسك به،ونظرت للسماء وأخبرت ربي بمدى ضعفي، لكني راضيه فهل لي ببعض الطمأنينة

#mena_hassan 

تعب قلبي

تعب قلبى يدراي جراح

 وتعبت من بعده عيوني

لاعاد يفيد بكى ونواح

ليل ونهار مع شجونى

تعب يسأل عن اللى راح

وأحتارت معاه ظنوني

كتم وجعه سكت ماباح

من أحبابي اللى جرحوني

تعب يشكي كل صباح

وفى الكتمآن سجنوني

تعب يبكى نسي الأفراح

ومن نومي حرموني

حزين، مهموم، مكسور الجناح

ونسيوني اللى عرفوني

تعبت فراق وخصام وجراح

ومليت اللى يلوموني

ولو تسألوني عن السماح

دى كلمة وضحكة يكفوني

تعب قلبي ومش مرتاح

وأمته بالفرح تفتكروني

mena_hassan

لسه فينا منا،،

بعد مده اكتشفنا

لسه فينا بردو منا،، 

حب وعناد وبعد زاد

على شوق قسمنا

واتسابقنا

مين اللي  كفّى

ومين اللي وفّى

والنتيجه

إحنا الاتنين خسرنا

#mena_hassan 

 

عاصفه قلبيه

 هادئة هى رقيقة تبدو كـ طفلة مازالت تتعلم حروف الكتابة

ليس لـ تدون ماتحلم به ليشتريه والدها

أو تكتب ملاحظاتها عن اخواتها فى دفتر المذكرات

لايشغلها كلمات تلك الفتيات المراهقات

لكن مايشغلها فى كل حروف الكتابة تلك هى حروف اسمه..

الذى دون أن تدرى نُقشت على حنايا روحها

تتعلم الرسم لترسم صورتة من ملامح روحه الجميلة التى سكنتها

وترسم قلب على جانبية اسمه واسمها,,

نقية تشبة قطرات الندى

لاتخوض فى مهاترات تعكر صفوها

أو تعبث بمقدرات لاشأن لها بها

مسالمة ,,بعيدة عن كل مصطلحات التطفل

إلى حد تبدو وكأنها إنطوائية

متفائلة : لدرجة أنها تُحلق بحلمها كـ عصفور صغير

على أغصان مستقبل يحمل معه حياة خالية من الألم

عندما تبتسم يشق النور بين شفتيها طريقا للقلب

وعندما يلامس وجهها الهواء تتناثر تلك الخصلات الذهبية

لتعلن عن أميرة يحتار العشاق فى وصفها

يسكر أريجها من إقترب ويصعق جمالها من رغب

عيناها كـ غابة تتيه فيها من جاذبيتها

لو نظر أحدهم فى عينيها تلمع خجلاً بلون غصن الزيتون

وتتلون وجنتيها بلون الكرز

عندما تتألم تتساقط حبات اللؤلؤ من عينيها

فى مشهد يجبرك أن لاتبتعدعن متابعته من شدة الإحساس..

وعندما تتحدث تنساب أحلى المعانى من بين شفاهها

فاتنة ,,مرحه ,,رقيقه

تبدو كـ أميرات تلك الرويات الخيالية

بكل بساطة وعفويه

إلا أن جاءها وعصف بكيانها وبعثر دواخلها

بعاصفة هزت جوانج قلبها

وأسر إحساسها بين قضبان من حديد قاسية

أسماها قلبه,,

فـ تبدل حالها وكبرت قبل آوانها

تسقى ورودها وكأنها زرعت فى أرض مشاعر جرداء

لاأمل فى أن تنمو وتزهر

أصبحت تترنح بين كلمات الحب والشجب

ولاتدرى لـ متى سيظل هكذا حالها

ومتى ستهجرها تلك العاصفة ويستقر طقسها

فـ بعض العواصف لاتهدأ ,,

إلا بعد أن تقضى على ماتبقى من مشاعرنا

وبعض القلوب لاتُنصف وتبدل حال من أحبها 

#mena_hassan

زعلان

ورجعت تقول إنك زعلان

وانت مزعلنى لكن ناسي

وتعدى أيام وتعمل غضبان

وتبان مغرور,,قلبك قاسي

دايما بتلومنى وتظلمنى

وأنا بسكت طبعا اكمنى

مابشوفش الدنيا دى من غيرك

ولامره بيجى فى تفكيرك

كام ليلة أنا بسهر بدموعى؟

وانت اللى تراهن برجوعى!

ماحاولتش تسأل وتقولى

وحشاك ولانسينى تملى

على طول تتخانق وبتزعل

وان جيت أتكلم طبعا تتقل

ان كنت نسيتنى وجايلك نوم

حاول تحلم بيا فى مره

أنانفسي انساك حتى ولو يوم

لكن برجع وأعيد الكَرّه

#mena_hassan 

عايشه عشانه

وصوتك لسه ف وداني

وانت بتقولي وحشاني

تحكيلي عن حلمنا لبكره

وازاى هنحقق الفكره

كلام فكراه مش ناسيه 

ولو قولت إن أنا قاسيه

مفيش غيرك بيوحشني

وانت تغيب وتظلمني

ومهما تغيب لسه بستنى

وعنك عمري ما استغنى

ياحب عايشه عشانه

محدش هياخد مكانه

#mena_hassan

14/2/2022