بغيرعليك

بغير عليك من اللايك والشير

ومن أى حد يبصلك بضمير

بغير عليك من أختك وأخوك

ومن كل اللى شافوك وحبوك

بغير عليك ومن عينهم أخبيك

ده أنا كُلى ليك ربنا يهديك

#mena_hassan

حياتى

سأعيش حياتى بكل ثقه وحب
 ولن ألتفت لكل ماحولى من صراعات 
ويكفينى أننى أمتلك قلب لايعرف ضغينه ولا كره
 بل يملؤه كل حب ومشاعر صادقه 
وسأستمر فى العطاء حتى لو كان قليلا
 يكفى أننى أعطى أشياء حقيقيه وتستمر 
وتبقى ثقتى فى الله هى الأهم
#mena_hassan

بضحك

بضحك والدمعه بخبيها
وهمومى عن الناس أدرايها
ومهما حاولت أدارى وأخبى
ربنا عالم باللى ف قلبى
هو لوحده يخفف تعبى

#mena_hassan

تعرف

تعرف 
لمابخاصمك بتخاصمنى روحى 
وبكلمة منك بنسى تعبى وجروحى
ده حبى ليك مفيش كلام يوصفه
قدر مشاعرى وقلبى حاول تنصفه

#mena_hassan

أسيرة بين أصابعه

اعتادت كل ليلة أن تمارس طقوس الإنتظار بكل أشكالها

 ولما لا وهى جداً ماهرة فيها تنتظر أن تراه تنتظر أن تسمعه أن يحادثهاويهتم بها 

ولا تمل من هذا مهما هاجمها الخذلان وانتصر عليها الملل فهى وقعت أسيرة بين أصابعه إعتاد أن يفرض عليها قيودة يتحكم بها ويحركها كيفما يشاء واليوم كان موعدها مع لقاؤه وكانت مرهقه تعانى ضعف عام وإرادتها مسلوبة تخشى مواجهتة لكن رغبتها فى ذالك كبيرة فيجب عليها أن تضع حد لهذه المعاناة وتوقف نزيف التفكير الدامى الذى يؤرق نومها إلى متى ستظل تحت رحمتة رهن إشارة منه ليحركها كيفما يشاء إلى متى ستظل كدمية المارونيت لا روح فيها ولا إرادة هل يعشقها لتلك الأسباب أم يتلذذ فى قمعها وإذلالها ؟ أفكار تضاربت فى عقلها وقوة غير عادية بداخلها تدفعها للتمرد وعصيانة فهو وإن يبدو عاشقا لها متيم بجمالها لكنه يخفى بداخله قلب قاسى لايعرف الرحمة وعقل مغلق لا يجيد التفاهم وتتساءل هل تهرب منه أم تواجهه وكيف تهرب وهى اعتادت الخضوع وتشبعت روحها الإنصياع له وهل فى الهروب النجاة أم الضياع تفكر وتفكر وبسرعة تجرى بكل ماأوتيت من قوة وفجأة تجد نفسها مقيدة ولا تستطيع التحرك وإذا بها تصرخ بقوة لتكتشف أنه مجرد حلم وتستفيق لتجد نفسها لاتزال مقيده بهذا العاشق القاسى الذى يتفنن فى تقييدها لتظل تحت إرادته ورهن إشارة من أصابعه وستظل أسيرة له

                                               #mena_hassan

أسيرة الماضى

أمام المرآة وقف تصفف خصلات شعرها
لكنها بدت متعبة جدا و يداها ترتعش
وجهها شاحب اللون وعلامات الإرهاق تظهر على عينيها
تنظر لوجهها وكأنها ترى نفسها للمرة الأولى
وكيف لا,, وهى أول مرة تهتم بنفسها بعد فترة طويلة من المرض
وبنظرات لوم وحسرة تجلد ذاتها وتستنكر كيف كانت
بكل هذا الحجم من السذاجة وكيف سمحت للماضى
أن يسيطرعليها بهذا الشكل وكل هذه الفترة من العمر
عاشت فيها معصوبة العينين لاترى أخطاء الماضى وهفواتة
رضيت بالوهم إلى أن تمكن منها وجعلها ضعيفة
لاتستطيع أن تواجه الحاضر أو تحاول تغييره
واجهت نفسها بحقيقة ضعفها وتخاذلها أمام هذا الماضى الجاحد
وبعزيمة لارجعة فيها إتخذت قرارها بأن تحاربه
وتكسر قيوده التى أدمت روحها وسجنت مشاعرها فيه
نعم ستحيا من جديد وترفض حياة العبودية
ستكون سيدة نفسها وتكسر أى قيود تمنعها من الحياة
ستدلل روحها التى عانت من الحرمان والحزن
أكملت تصفيف شعرها وفكت تلك الجدائل المعقودة فيه
ووضعت مساحيق تضىء وجهها ببعض من المرح
لتقابل الحياة بروح جديدة ونفس لاتحمل أى هموم من الماضى
#mena_hassan
9-10-2018

على الحدود

واقف هناك على الحدود
والجو ريحته بارود
ماسك سلاحه فى إيده
يضرب بإيد من حديد
أو يكون على أرضك شهيد
على أرضه حارب وجاهد
والكون على نصره شاهد
المصرى حرر أرض سينا
وغنالها رجعت تانى لينا
نموت وتعيشى يابلدى
وجيشك على أرضك يعدى
علمك يرفرف فى العالى
وكلنا فدا ترابك الغالى
جيش مصر بلدنا العظيم
ضرب نيرانه فى الصميم
حطم خط بارليف الأسطوره
ورجعلنا سينا منصوره
mena_hassan#

كتاب العمر

ذات حنين تهب نسائم عطرك
ومع فنجان قهوتى الصباحيه أتذكرك
فتجتاح رائحه الحنين أركانى لتكشف عن مدى إخلاصى لك
حاله من الوعى الممتزج بالخيال لاتكتمل بدونك
ليحلو يومى بك

ويأخذنى الشوق إليك فأتصفح كتاب العمر
من بين فصوله كنت أنت الربيع
ومن بين سطوره كان إحساسك الطاغى
فأنت فى حياتى أروع الأشياء وأجمل معانيها

حين أبدأ فى قراءة حكايتنا أتعجب
فأنت عندما كتبت تاريخنا معا كتبه بحبر سرى
لايراه غيرنا ولايفك رموزه غيرك
فأنا دائما أكتمل بك ويزدهر ربيعى بوجودك

كنت لى وطن يحمل كل معانى الإنتماء إليك
وكنت لك بيتا يملؤه الدفء والحنان
بدونك أشعر باليتم والضياع
ومعك يملؤنى إحساس طفله وصلت لبر الأمان
فأنت ومازلت حب العمر
وسأظل أقرأ روايتنا معا إلى آخر العمر
mena_hassan
29-9-2018

رباعيات انت مصرى

رباعيات إنت مصرى
******
لو سألتك إنت مصرى تقولى إيه
إوصفلى حالك بعد ماعوموا الجنيه
الأسعار دى نار وبشكى حالى ليل نهار
فين الحنان اللى قولتلنا عليه
******
العيشه صعبه والمرتب مش مكفى
ومبقتش قادر عاللى شايله كتفى
طلبات مدارس ولا حد حاسس
فهمت ولا أقول كمان وأوفى
******
جيوبى فضيت من دفع الفواتير
وعقلى من دماغى قرب يطير
من غاز وميه وتليفونات خد وهات
حرام والله ده اللى بيحصل كتير
******
ده كله كوم وكوم فاتورة الكهربا
خلت حياتى خلاص بقت متكهربا
تكييف مفيش ويدوب بعيش
خلاص قربت أمد إيدى لدا ودا
******
عرفت معنى إن المواطن يبقى مصرى
يعنى الديون والهم عنده يبقو حصرى
فضيت جيوبه فظهرت عيوبه
وكل يوم شاغل دماغه وف نفسه يهرى
وعجبى..
mena_hassan#

إبتسامه مزيفه

ومازلت أخفى ملامحى البائسه بتلك الألوان الصاخبه
وأرسم على فمى إبتسامه لعلها تكون مقنعه
أضحك ويضحك الجميع ،ويحسدونى على سعادتى
 ماهر أنا فى إخفاء آلالامى ورسم البسمه على وجهى
ولكن كيف أخفى تلك الدمعه الحائره فى عينى
كيف أكتم هذه الصرخة التي بداخلى!
فطالما قضيت ليال أتسابق مع الهموم وأصارع الحزن
حتى لا يتملك اليأس منى
 أضحك ودموعى تراهن المآقى على الإفلات
إتخذت إسعاد الناس مهنه وفشلت فى إسعاد نفسى
لمتى سأظل هكذا أرسم هذا الوجه المضحك
 وأخفى أحزانى خلف إبتسامه مزيفه
وهل ستقبلونى بدونه وتحاولوا إسعادى كما أسعدتكم سنين!
24-9-2018
#mena_hassan

نقطة ومن أول السطر

تمنحك الحياة فرصة أخيرة لتطوى تلك الصفحات المتهالكة
تضع نقطة خلف كل تلك الحكايات

 وتبدأ من أول السطر
تلك الحكايات أستهلكت من أرواحنا الكثير 

وتساقط فيها الكثيربلا سابق إنذار

 تباغتنا بشتى أنواع الخذلان والمشاعر السلبية
حين قرروا الرحيل بدون وداع وحين قرروا الغياب دون عودة
أعطوا لأنفسهم حق القرار

 وتناسوا أننا كنا فى البدايات معا شركاء
ليخرجوا من أبواب حياتنا للأبد 

ويأخذوا معهم تلك الذكريات
التى أصبحت تشبة ورود جفت وتناثرت على أرض علاقتنا بهم
فى لحظة وداع تليق بماضى

 يحمل بين طياته العديد من المشاعر
مشاعراعتقدنا لفترة أننا بها ملكنا العالم

 وأصبح بها الحظ حلفينا
ربما كنا نبالغ فى القرب ونبالغ فى الإهتمام 

لدرجة تغافلنا بها عن مدى الوفاق بيننا وبينهم

 وعن حجم إستيعاب قلوبهم لوجودنا بها
الحياة أقصر من أن تعيشها فى ترميم علاقات

 أنت وحدك من تتمسك بها
وسنين العمر أقل من أن تعيشها موهوم

 أنك تشكل أهمية عند من لايشعر بك
22-9-2018
mena_hassan#

الألم

الألم

*****
مهما كان حجمة فـ هو يظل ألم
تختلف قدرة إستيعابة وتحملة من شخص لآخر
وتختلف طريقة التعبير عنه وطلب المساعدة
فكثيرا منا له القدرة على إخفائه 

ومحاولة التظاهر بالقوة
ولايكفية شدة الألم 

بل يقسو هو أيضا على نفسه
وحتى لو تنوعت الأدوية وتفاوتت فاعليتها
هو فى النهاية له فترة سيعيش معك فيها
عليك أن تعقد معه معاهدة 

وتحاول مجاراته والتأقلم معه
فالشفاء بقدرة الله وحدة

 وإختبار لقدرتك أنت على التحمل والإيمان

#mena_hassan

17-9-2018

الحزن

الحزن الحزن يأتى كـ عاصفة 

تهدم كل ماهو أمامها تهز البنيان 

ويرضح له الكيان بعض من الوقت 

نبكى كما لولم تعرف أعيننا الدموع من قبل

 ونكتئب كما لو كنا فى آخر مراحل اليأس 

يتمكن منا حد الإمتلاك 

ويستوطن داخلنا حد الإحتلال 

لكن مثلة كـ باقى المشاعر لابد له من الإنتهاء 

وعندما يرحل من الجيد أن لايأخذ معه إلا ما نسمح له به

 لنعود سريعا كما كنا وأفضل

#mena_hassan

الحقيقه

الحقيقة

الحقيقة مهما تأخرنا فى الوصول إليها

وتعثرنا فى الصدمات وشتى أنواع الخذلان

تظل هى الأفضل والأقرب للعقل والتفكير

فالعقل دائما لايعترف إلا بالدليل القاطع

والرؤية التى لاتحتمل الشك والظن

الروح تميل أكثر إلى الإحساس الصادق 

الذى لايعكرصفوة تزييف وتضليل 

بوجود الحقيقة يتوارى الغموض خجلا

ويعرف كل شخص مكانتة وماله وماعليه

#mena_hassan

الجنة تحت اقدامك

الجنه تحت أقدامك 
ويارب تكونى فيها
ده أنا فاكره أيامك
كنتى إنتى بتحليها
فى العالى والله مقامك
وفى روحى أغلى ماليها

#mena_hassan

ميقصدتشى

اكيد يعنى ميقصدتشى
يقطع قلبى كدة ويمشى
ألوم على مين أو أعاتب
وأنا قلبى فى هواه دايب
أقول هقسى وكمان هنسى
يقول قلبى حبيبى لسه 

#mena_hassan

الورد الاصفر

الورد الأصفر قالى..
فاكرك ولا ناسيكى تملى؟
عايش من غيرك ولا دارى
خليكى على الوضع الحالى
بالغيرة بتصحى وبتنامى

والحيرة مصحباكى ليالى

#mena_hassan

جهاد النفس

أشرس معارك الحياة هى جهاد النفس 
أن تحافظ على نقائها وخلوها 

من الكراهيه والحقد 
فى زمن كهذا أصبحت فيه القيم 

على حافه الهاوية 
والأخلاق تندثر خجلا من تصرفات البعض

#mena_hassan

بطلى

خلاص من بكرا شغلانتى
هاكتب اسمه فى روايتى
يكون بطلى يكون عمرى
وحلمى اللى معاه هارسم
بدايتى معاه ونهايتى

mena_hassan

بفرح بشوفتك

بفرح بشوفتك

 وأتمنى الوقت مايخلص

يامحلى طيبتك

وقلبك المحب المخلص

وحياة غلاوتك

الغالى عشانك يرخص

#mena_hassan

قسوة حنينى

أشكو إليك قسوة حنينى إليك
وأشكو إليك جرح أنت فاعله
فكم من ليال بت أنتظر عينيك
أناجى طيفك وعشق أنت تجهله

#mena_hassan

الصب فى المصلحة

الصب ف المصلحه خلانى مكحكحه
تعبت من المصاريف وعقلى بقى خفيف
كفايه صب كفايه بمشى أتلفت ورايا
نفسي يعدى يوم من غير نكد وهموم
ياعم ارحم شوية وإنزل بقى بالحنية
الشعب ده غلبان ونصه بقى جعان
حتى ف يوم العيد معرفش يبقى سعيد
نفسه تطبطب عليه وترجع قيمة الجنية

mena_hassan

سواد القلوب

سواد القلوب

 غطى على النور اللى كان فيا 

حتى الحلم حلمته وماكان ليا 

وناس كتير عاملين إنهم حواليا

 سقط القناع عنهم 

وشوفت وشوش معرفهاش 

طلع الكلام منهم كأنه من رشاش 

مات الكلام فيا وبإيه يكون الرد 

ده الظلم طعمه مرار والحق بابه إتسد 

بحق دموع باتت ليالى تواسينى 

بحق الدم اللى سال من شرايينى

 وعهد عليا والوعد سيف على رقبتى

 لا يوم هتكونوا ليا أو حتى هنا جنبى 

ده القرب منكم غلطتى والذنب كان ذنبى

#mena_hassan

28_5_2018

صدفه

وجات الصدفه على بابى
 فجأه تدق
دى صدفه ماجتش على بالى
 ماقولتش لأ
وقلبى ساعتها من الفرحه
 ده ماصدق
 وساب نفسه كده بسرعه
 يدق يدق
كأنه كمانجة وبتعزف
على دقة رق
وصوت الفرحة من جواه
طالعه بصدق
تنور حاجة فى حياتى
شبه البرق
mena_hassan
13_5_2018

سايق عليك الشوق

سايق عليك الشوق

 يالى إنت مش فاكر

إرجع بقى وفوق

إرجع متبقاش ناكر

إمتى لقلبى تروق

يالى فى هواك آسر

الورد بقى فيه شوك

والبحر موجه ثاير

سايق عليك الشوق

ولا أنت مش فاكر!

كلمه وحشتنى مين

هايقولها لما تسافر

سايق عليك قلبى

قلبى عليك محروق

البعد ده مالوش آخر؟

#mena_hassan

الخطوة الاولى

 ولعل أجمل مراحل الحب وأكثرها إثارة

 هى مرحلة ماقبل الإعتراف به

 تعتلى فيها لغة النظرات والهمس المراتب الأولى

 وتتنحى الكلمات خجلا عن مكانتها

فى لحظات تكون المشاعرفى شرنقة الكتمان

 حتى تتأكد من هويتها وترسى أسس ومعايير قد تلازمها طيلة حياتها

 توجه بوصلتها إلى حيث يميل القلب وتحلق بعيدا إلى عالم الخيال

 لترسم مع خليل الروح أمنيات وينهلا معا من نهر السعادة

 ولكى تمر تلك المرحلة وتأتى بنتائجها المرجوة

لابد من مبادر يأتى بخطوات واثقة ومشاعر متأججة

 يبادر بالإعتراف بالحب أو حتى بالإعجاب

 لعلها خطوة تبدو سهلة ومتعارف فيما بيننا من يقوم بها

كما أعتدنا بلا شك هو الرجل فالمبادرة هى من مسئولياته

 لا يجد فيها عناء أو خجل وحتى إن لم يجد القبول

لن تكون مأساة بالنسبة له

 الرجل هنا له الحق فى المبادرة والتعبير عن مشاعره

 حق إقتناص حبيبته من وسط الكثيرين والفوز بها قبل غيره

لكن على الجانب الآخر ماذا لو كانت المرأة هى من تود المبادرة

 وإنقاذ حبها قبل أن يقتله الإنتظار والصمت..

أتعترف هى بهذا الحب وتفقد الرجل حقه فى المبادرة

 وهو أمر غاية فى الأهمية بالنسبه له

وكيف يكون الحال إن لم يكن يبادلها نفس الإحساس

هل تكن صدمة لها أو من الممكن أن تفقدها الثقة فى نفسها وفى مفهوم الحب

أسئلة تدور فى ذهن الطرفين ومن الممكن أن تأخذ من وقتهما الكثير

مما يكون له أثر سلبى على مصير علاقتهما

ومعادله صعبة أن تحافظ على حبك وتدخل مخاطره أو مراهنه تخرج منها

بكسب قلب تعشقه أو خساره كرامه أهدرها الرفض من الجانب الآخر

لكن فى النهاية من المؤكد أن مشاعر الحب ثمينة وتستحق منا

أن نبذل مافى جهدنا للمحافظة عليها دون الإلتفاف لعادات وتقاليد

قد تسرق منا السعادة لآخر العمر

mena_hassan

7-5-2018