بعد فتره طويلة من الغباوة
راحت من على عينى الغشاوة
وأكتشفت إن الطريق كان بينا صعب
وكل وجع كان ليه دوا إلا وجع القلب
ومن إمتى كنتم أصلا حبايب!
ضاع اللى بينا ما بين كاره وغايب
وقت الشدة ملقتش حد منكم جنبي
لا قريب ولا صاحب ده الكل خذلنى
جايين دلوقتى تقلبوا فى الدفاتر القديمة
وتقولوا دى كات عِشرة وأيام جميلة
بعد إيه
ماكانت ليكم مكانة فى قلبى كبيرة
ضيعتوها بقسوتكم وأفعالكوا الغريبة
خلاص هانتكلم فى إيه وليه هانتعاتب
بعد كل الجراح هو ده الوقت المناسب
مالوش فايدة الكلام ومالوش لازمة تقربوا
خلوا البعاد يدواى الجراح
وأهو بالمناسبة تجربوا
#mena_hassan
ليست هناك تعليقات:
إرسال تعليق