كان بينا حب

كان بينا حب,,

 وأشواق بتسكن أحن قلب

كان بينا أحلى المشاعر

 يتغنى بيها كل شاعر

بس دوام الحال كان صعب

وده حالنا,,

 سكت مابينا الكلام

ومابقاش يجمعنا

غير حزن وملام

ولو يوم صدفة جمعتنا

مابنقولش غير سلام

إختلفنا,,

سكن معانا السكات

ومابنسمعش غيرآهات

وندم على حب عاش بينا

وبإيدينا أهو مات

أكتشفنا,,

مين بيبعد عن التانى أكتر

والعناد مابينا كل يوم

 عمال بيزيد ويكبر

واتسابقنا,,

مين هايقسى ومين هايصبر

مين على الشوق هايتكبر

وعلى الفراق هايكمل ويقدر

اتفقنا,,

ينتهى مابينا كل شوق وود

وكل يوم فى حيطان قصتنا بنهد

قضينا ليالى كتير فى خناق وعند

وعشنا مابين غياب وفراق أشد

افترقنا,,

أكتر حاجة فيها اتفقنا

وهان علينا الحب وهونا

خلصت أجمل حكاية جمعتنا

وضاع الحب اللى كان بينا

ودى نهايتنا,,

كان بينا حب وياريته كمل

حاولنا كتيرمع بعضنا نفضل

بس صعب فى الوهم نجمل

وأفترقنا وده كان الحل الأسهل

كان بينا حب

mena_hassan

28-4-2016

شرف الكاتب

إن الموهبة نعمة والقلم أداة للتعبيرعنها

وسلاح فى يد الكاتب يكون بمثابة فارس فى الساحة الأدبية

يستطيع به أن يشيد مبادىء ويرسخها بين العامة

ينشر الحب والسلام وكل ماتعلمه لما هو فى الصالح العام

صوت لإعلاء كلمة الحق فى وجة فاسد أو جاهل أو حاكم جائر

منبرمن خلالة ينشرعلم أو يعبر به عن مشاعر وقضايا للمجتمع

من خلال مايكتبه يحدد مكانتة فى المجتمع إما أن يكون من الصفوة

أو يسقط فى بئر من الجهل والسطحية

إما أن يخاطب عقول وأسمى المشاعر أو ينتهى به المطاف

للإنحسار فى نوعية معينة من الكتابة هى وجمهورها دون المستوى

القلم إستطاع أن يرفع شأن الكثير وأيضا له القدرة على هدم تاريخ وأنظمة

القلم له شرف وقدسية يحمل رسالة وأمانة وضمير

مسئولية أمام الله بكل حرف يخطة وكل شخص تأثر بما كتبة

فى إمكانة أن ينشر الأخلاق والفضيلة ويدافع عن المظلوم

أو يساهم فى نشر الرزيلة والإشاعات ويقف بجوار كل ظالم

أفكار تساعد فى بناء المجتمع للارتقاء بالفكر والنهوض بالعقول

أويساعد فى خلق مجتمع تافه لامكان للعلم والأخلاق بين أفراده

قال الله تعالى

مايلفظ من قول الا لديه رقيب عتيد

وليعلم كل من يمتلك موهبة ويمسك بقلم

أنه مهما كان حجم إبداع هذا القلم وعلم صاحبة لن يكون له أى مكانة

أمام لحظة زيف أو تقليل من إحترام القارىء أو التخلى عن مبادىء وقيم

شرف القلم من شرف الكاتب ويجب دائما أن يكون منتبها ومتحكم فيه

حتى لايكون سلاح ضدة يقضى عليه

أوصيكم ونفسى أن نتقى الله فيما نكتب ونبتعد عن الشبهات

ومواطن الفتن ونظل متحكمين فى أقلامنا حتى لايفلت منا زمامها

اللهم إنا نتقى الله فيما نكتب فأجعلنا ياإلهى من عبادك الصالحين

وسخرنا لفعل كل ما يرضيك وإبعدنا عما يغضبك

mena_hassan

28-4-2016

__________________

أحضان طيفك

وتمضى الليالى أعاند حنينى

يعيدنى الشوق لأسيرفى دربك

ومهما أعانى ,, ويزداد أنينى

أعود لأحيا فى أحضان طيفك

لـ تشعل بدفئك حناناً يحتوينى

فـ يذوب الجفاء بلمسة كـفك

لأنسى الجراح وعذاب سنينى

ويكفينى أنى .. أعيش بقربك

فحروف إسمك صداها يشجينى

وكم من جمال يخفيه سحرك

أيا حبيباً غيابه عذابا يضنينى

أتعلم أنى صرت أحيا بعشقك

فـ يكفى فراقاً ,, ولا تجافينى

ودعنى أكون شمسك وقمرك

mena_hassan

27-4-2016

حبك خلانى أعيش

حبك اللى خلانى أعيش

وكل الناس حواليا ماتهمنيش

يا حب عمرى أنا عايشه ليك

ليل ونهار ياغالى بفكر فيك

حبك ده أغلى هدية من السما

تعالى يا حبيبى نعيش لبعضنا

دى أجمل أيام عشناها سوا

مش هنساها لو بعد 100سنه

ياأغلى الناس فى حياتى

أنت اللى بحلم بيه ليلاتى

ياساكن روحى وإحساسى

قلبى فاكرك ومش ناسى

بحبك هافضل أقولهالك

وأعيش بقيت عمرى ليك

لو تطلب روحى أديهالك

ماتغلاش ياحبيبى عليك

روحى وعيونى أقدمهالك

دى الدنيا ماتحلاش إلابيك

أيامنا الحلوة كلها فاكراها

عايشة عليها ومستحيل أنساها

إنسى اللى فات واللى كان

وقول للبعد دة كان زمان

هانعيش اللى جاى فرح وسعادة

وانت هاتحلى حياتى بزيادة

اللى حلمت بيه معاك هايتحقق

وهاقولهالك تانى وتصدق

ده حبك اللى خلانى أعيش

وحياتى من غيرك ماتساويش

mena_hassan

1-4-2016

ياخالق الراحة

ياخالق الراحة سلمتك أمرى وأستودعتك كل أمنياتى ومايهواه قلبى

يامن دعوتة فى أشد حالاتى ألماً ويأساً فأزال همى وخفف عنى

أمنحنى عفوك ورضاك وقربنى لكل مايرضيك وأبعدنى عما يغضبك

ياالله يا كريم ياودود يامن أنعمت علىّ بنعمك ومنعت عنى شر خلقك

يارب أدم علىّ نعمتك ورحمتك ولاتسلط علىّ بذنوبى من لا يخافك

ألجأ إليك وأنا فى أشد إحتياجى إليك فكن معى ولاتتركنى لمن لايرحم

يارب فرج عنى كل كرب وضيق وأنزل السكينة فى قلبى وآنس وحدتى

يامن دعوتك سراً وجهراً وشكوت لك ضعفى فى شدتى وقلة حيلتى

ردنى إليك يارب رداً جميلا طيبا إذا شغلتنى الدنيا وأبتعدت عنك

يارب جئت إليك بنفس لاتملك إلا حبك ولا تتمنى إلا عفوك وقربك

يارب ياميسر كل عسير وجابر كل قلب كسير فرج همى ياقدير

 اللهم إنى وكلتك أمرى ياخير وكيل دبر أمورى فإنى لاأحسن التدبير

وأرزقنى يا الله حبك وحب لقاك ولا تجعل فى قلبى حب أحد سواك

يارب تقبل دعائى وأقبل رجائى وسامحنى على تقصيرى نحوك

mena_hassan

31-3-2016