يارب اهدينى

يارب ماليش غيرك يصبرنى

بغلط وبرجعلك لأنى

طمعان يارب فى كرمك

من نفسى تلحقنى

وعلى شيطانى يارب تنصرنى

من غيرك يهدينى

وعن المعاصى يبعدنى

ويثبتنى على دينى

يارب سامحنى

 واسمع دعائى وشكوتى

هو انا ليا من غيرك

 يعينى على دنيتى

يارب من الصعب عدينى

ومن شرور الناس تنجينى

اغفرلى يارب ذنوبى

واهدينى واسترعيوبى

 من الحلال بكرمك

 اطعمنى واسقينى

وعلى طاعتك يارحيم

ثبتنى وقوينى

يارب دنيا وآخرة استرنى

يارب العالمين ارحمنى

mena_hassan

4-6-2016

زعلانة منك

قصة غريبة بيك جمعتنى

 مافهمتهاش من يوم ماعرفتك

يوم بتقرب وتبقى حاببنى

وأيام كتير بيزيد هجرك

 أبعد ترجع وتقربلى

وتحيرنى ياسيدى فى أمرك

هو مزاجك بتعذبنى

 ولا دة كان من الاول طبعك

على قد ماأنت كنت واحشنى

 لكن انا زعلانة منك

كل يوم والتانى تظلمنى

 وانا اللى ماأقدرش على زعلك

لإمتى هاتفضل كدة تتعبنى

ولا انكتب عليا ظلمك

ماتعقل بقي كده يابني

وروح صلي واستغفر ربك

mena_hassan

3-6-2016

قتلونى الغدارين

قتلونى الغدارين

أنا المواطن مجند لسه

 فى اوائل العشرين

وأنا راجع على الطريق

قولت أعمل مكالمتين

واحدة لحبيبتى والتانيه

لأمى ست الحلوين

خلاص خلصت خدمتى

 وراجع وعيونى فرحانين

وانا فى طريقى قتلنى

 رصاص الخونه الغدارين

بدمى رويت أرض

 الصحارى العطشانين

بكره تطرح شجرة أبطال

تخلدها السنين

مالحقتش اضمك يااما

 ولاحتى أقولك كلمتين

شايفنى ميت لأ..

ده أنا عريس فـ الجنة

 هاتزف للحور العين

mena_hassan

2-6-2016

هاعيش من غيرك

هاعيش من غيرك

 وهاعرف أعيش

كمان هانساك

 روح وغيب انسانى

وماتوحشنيش

ده غيابك حاجة سهلة

مش فارقة ومايهمنيش

وفركلامك خليك مكانك

و بذكرياتنا ماتفكرنيش

إستنى خليكى معايا

وماتهربيش..!

حبيبتى من غيرك

حياتى صعبة

دى ماتقوليش

مش هابص ورايا تانى

وأرجع معاك أعانى

الماضى انتهى

خلاص مايلزمنيش

حبك ده كان زمان

فى دنيا الأحزان

غباء وطيش

حكاية وخلصت

وهانساها

ده أنا من دلوقتى

مش فاكراها

 وعن رجوعنا

ماتسألنيش

مرتاحة فى بعدك

كله من قسوة قلبك

وقلبى عليك

مابيوجعنيش

خلاص أنا اتغيرت

ومنك اتعلمت

ابعد وماتلومنيش

هاعيش من غيرك

وهاعرف أعيش

 mena_hassan

سأعود إلى أنا

سأعود إلى أنا

مازلت تائهه,شاردة فى صحراء غربتى

عاصفة تجتاح كيانى لاأعرف متى تنتهى

من رياح الإشتياق أهرب وأتوارى من لهفتى

أرتعش من زمهريرالفراق لاأبكى ولاأشتكي

قلبي أسير,صمتى أنين وأستعمرتني حيرتتي

سأختلي بنفسي

ألملم شتاتى وأواجه خيباتى,وحنيني

ومهما حاولت الحياة بشهدها تغرينى

وبـ مُرها عذبتنى أوتؤلمنى,وتشقينى

لن أفتح لها نوافذى فـ هواها لن يُحينى

عشقت الصمت,والوحدة صارت تواسينى

سأختلى بنفسي

ويوما ما سأعود إلى أنا

أحتسي كأس إنتصارى على همومى,وأحزاني

وأزيل غبارالألم من زوايا روحى,وأداوى أجفاني

سأعقد هدنة مع كل ذكرياتى,وأشجاني

أمزق آلآلآمي,وأمسح كل خيالاتى, وأوهامى

لتختفي آثارالحيرة من صفحات عمرى,وسنينى

فـ تهجرنى أحزانى,وتزهربالورود بساتينى

 mena_hassan

متاهات الحياة

وتضيع منا الطرق ونتيه فى ممرات وحارات ضيقة

وبنظرة فضول لاتخلو من الحنين تدورفى كل الأركان

تبحث عن شعاع الشمس فى السماء لعله يهدينا لمرادنا

وإحساس غريب بالوحدة يتزايد مع كل خطوة نخطوها

تتزاحم الأفكار شاردة تبحث عن المفر من تلك المتاهه

وفى إحدى الأماكن تسكن بعض من الذكريات الجميلة

لكن تخشى الإبتسامة أن تخرج لعالم موحش

 يحيط به الغموض والأسرار من كل جانب

حياء نادر يظل منطوى بداخل النفس يأبى التحرر

فترتسم ملامح الهدوء والرضى على بعض الوجوة

 ليس بشرط أن تكون بدافع القناعة لكن ربما ضعف

أوأن آخر قدراتها هو الإستسلام لواقع لاأمل فيه للتغيير

 تظل اليدين ممسكة بالأهم والأفضل الذى لايعوض

ويظل القلب ينبض بالوفاء لمن كانوا يوما بالقرب مخلصين

مهما طالت بنا الغربة أو ضعنا فى متاهات الحياة

نصل فى النهاية إلى آخر الطريق الذى نجد فيه ملاذنا

نكتشف عندما يخبرنا القدر وقتها أن لاشىء يضيع هباء

طالما كان أساسة صادق

 mena_hassan

30-5-2016