ولا بنسآه

حكيت للبحر كلام عنك
بيسمعنى ويفهمنى ، يغير منك

 
عشان حبك ده جوا القلب كبير عنه
وحتى الشوق يعدى الموج اللى جاى منه

 
ده حب كبير تعدى سنين ولابنساه
بدون تفكير بلاقى حنين سكن جواه

 
يصالحنى لو زعلت فى يوم
ينسينى اى خصام ولوم
وأما الهجر ده إيه معناه
وأى فراق ده مش فهماه

 
ده حبك اللى خلى للحياه معنى
ووعد عليا وكل الكون أهو سامعنا

 
هاعيش وأموت على حبك
وبدعى يفوت العمر وانا جمبك
ياحب ادى لقلبى حياه
تعدى سنين ولا بنساه

mena_hassan

1-8-2017

جوايا هااتعيش

جوايا هاتعيش ولآخر يوم فى عمرى

هاقولها وماخبيش اصل انت واحشنى

وتعدى أيام وليالى وانا لسه بستناك

  ماانت اللى على بالى وروحى معاك

تغيب وتاخد معاك حياتى وضحكتى

واستنى ترجع وترجعلى بيك فرحتى

دايما فكراك ولا يوم قدرت انسى

مين ده اللى ينساك ولايقدرحتى يقسى

أغلى الحبايب ساكن قلبى من سنين

جوايا هاتعيش وشايلالك كل الحنين

mena_hassan

14-7-2017

كان ذنبه إيه

كان ذنبه إيه
قلبى اللى حبك تجرحه
معرفتش فى يوم تفرحه
وقسيت عليه

عايش معاك مش حاسس بالامان
قلبك كمان ميعرفش معنى الحنان
كان يعمل ايه

سابك وضحى بحب عمره ماتخيله
وشايفك بعيد مستحيل هاتعوضه

صعبان عليه

ليالى يستناك ويبكى
مش قادر حتى لحد يشكى
هيقوله ايه

هايقوله خان وباع فى ثانيه
وراح وعاش فى دنيا تانيه
هتديله ايه

هتديله حب زى اللى كان
او حتى هتنسيه الزمان
ويهون عليه

خليه يهون ماهو ياما هان

والماضى يشهد إنه خان

وهابكى ليه

الجرح صعب لكنه لازم يتنسي

وهافتكرله بس انه عليا قسي

4-5-2017

 mena_hassan

إنسى الحنين

صاحب همومك انسى الحنين
هتعيش وحيد وياك أنين
فاتت سنين عليك كدة
جواك جراح
هتفضل معاك متأكدة
وتدارى ليه دمعة عنين
لو مهما تضحك
باين عليك وشك حزين
حظك كدة
تحلم كتير بيوم اللقا
نفسك تجمع

ف قلوب هناك متفرقه
حلمك ده وهم واخدك لفين
وايه راح يفيد
والقسوة دى طبع البشر
يقتلوا فيك
ويقولوا ده حكم القدر
خليك كدة عايش حزين
راضى وصابرعلى اللى انكتب
ومن امتى فادنا ف يوم العتب
صاحب همومك انسى الحنين
هتعيش وحيد وياك أنين

mena_hassan

22-4-2017

سمو الروح

فى تلك الحياة التى تعد تجربة أشبه بالكابوس عند البعض

وتشبه الحلم عند آخريين أوطريق غير مفهوم أبعادة وتضاريسة

هناك من يدرك ماهو مطلوب منه أو ماهو يرغب فيه

ويستطيع أن يختار أو يحدد شكل تلك الحياة التى يعيشها

وهناك من لايمتلك رفاهيه الإختيار,يبقى عالق دائما فى المنتصف

لايعرف طعم السعادة ولايتخلص من مرارة التعاسه

يحاول التأقلم أو يتنازل بمفهومها عند البعض

يقف على الأرض لكن روحه معلقه بين السحاب تتأمل بطموح لآحلام

نسجها فى خيالة يظنها بعيدة المنال يهيىء له أنها ستجلب له السعادة

ويندم ويبكى إن لم يحققها وقد يمضى العمر فى البكاء عليها

لكن الحقيقة أن السعادة لاترتبط بماديات أو أمور تمس للواقع بصله

السعادة ترتبط بالروح وسموها وترفعها عن أرض الطمع والجسد الفانى

السعادة أشبه بماء نقى مثل ماء المطر لم تلوثة الأرض بعد

بنسمه الهواء التى تأتى بعده تشبع الروح طهاره ورقى

السعادة هى أن تترك روحك تسمو فوق كل شىء دنيوى

ولاتتمسك بما يفوق قدرتك أوماهو ليس لك

تتحلى بالأخلاق والعطاء والتضحية دون ندم

لتعيش بروح مسالمة تشعر بالسعادة فقط لانها لاترغب فى شىء

mena_hassan

2-4-2017