وأعود

ومضيت أبحث عن هوانا وعن الحنين
من خلف أسوار الفراق ودروب الأنين
ونسيت أنى أقسمت وغلظت اليمين
أنى لن أعود ...
لن أكون يوما فى صفوف العاشقين
أو أبكى ليلا على حظ قلبى المسكين
وأعود ...
أعود لأنادى عشقا قيدنى سنين
أعود أشكو جرحا وألما لا يستكين
وأطوف بين الوديان والبساتين
أبحث عن حلم أشبه باليقين
بين أنغام الكمان والناى الحزين
وأعيش بين أوتار الهوى كالسجين
أنتظر من كان فى عشقه ضنين
مابال هذا القلب عن عشقه لا يلين
وكأنه نسى الألم وأنات الحنين
ليمضى يبحث عنه فى كل حين

mena_hassan

15-9-2017

أغلى جده

والعيد السنه دى بردو عدى
بس قلبى مش بيهدى
وان ضحك او حتى يرضى
بس عمره فى يوم ماينسى

وازاى هاينسى
ضحكة كانت ماليا الكون عليا
نظره تمحى كل حزنى والقسيه
والحنان اللى فى إيديكى
هو معنى الإنسانيه

طب إنتى حاسه؟
عارفه ازاى أنا مشتقالك
طب سعات بخطر فى بالك
شايفه قد إيه أنا محتجالك
تسمعينى أحلى دعوه

ولسه فاكره
ده إنتى كنتى صحبتى وحبيبتى
كنتى أختى
لأ سعات بحس إن انتى بنتى
ولو يقولوا خلاص كبرتى
لسه ببكى أغلى جده

من يوم فراقك
راحت منى حاجات كتير
دنيا قاسيه
وسايبه ليا فراغ كبير
ومن ساعتها حاسه بوحده

mena_hassan

9-9-2017

بعيش وياك

وبعيش وياك فى الدنيا كأنى
مخلوقه معاك كده فى الجنه

والساعة اللى تقرب منى
مش ساعة دى بتعدى فى ثانيه

ده أنا بعشق كل حروف اسمى
لما بتندهلى تقول منه

وبحبك أكتر من نفسى
حتى لو كنت مزعلنا 

وبشوفك بفرح إكمنى
فتحت وكنت زمان عاميه

طب قولى إزاى وانت معايا
بشوف الدنيا دى بالالوان

وبدارى الدمعه دى جوايا
مع انها فرح ومش أحزان

هحلفلك بس تصدقنى
أنا ببقى معاك مالكه الدنيا

وبحبك وأنت بتعشقنى
مش عايزة خلاص حاجه تانيه

 mena_hassan

5-9-2017

بخاف البعد

وبخاف البعد يقسينى
وانساه وهو قصاد عينى

البعد ده كان غصب عنى

علشان ف القرب بيهملنى
واتكلم عمره مايسمعنى

فيها ايه لو يفهم ويقدر
أو يهدى شوية ويفكر

محتاجه لقلبه يكملنى
محتاجه لعقله يفهمنى

وإن خوفت أنا منه يطمنى

انا عاوزة حبيب مش بس كلام

عاوزاه لما اتعب يسندنى
عاوزاه مايهدش لأ.. يبنى

بغلط وأنا عارفه انى عنيدة
بس بحبه ده حاجة اكيدة

وإن يوم فكرت إنى اسيبه

برجع من تانى إكمنى

ف بعاده النوم ده مخاصمنى
ده انا كنت بشوفه ف أحلامى

ماهو اللى محلى أيامى

وبيفرح قلبى ويسعدنى
ف بخاف البعد يقسينى

وانساه هو قصاد عينى

mena_hassan

20-8-2017