أميل علي كتفك

وأميل علي كتفك يسندني
عارفه هيشيل وهيتحمل
وعمره الكدب ماهيفيدني
من غيرك مش هقدر أكمل
ده أنا كل منايا تكون جنبي
وترجع حكايتنا من الأول
خليك معايا وساعدني
لما الحال يقسي ويميل
ده أنا حباك وانت حاببني
وفراقنا ده مش قادره أتخيل
mena_hassan

تتساءل

تتساءل والحيرة تملأ عينيها

وغيوم الحزن تغطى لياليها

أيخون من كان لجراحى يداويها

هل نسى وعودا أقسم يوفيها

كيف يقسو من كان للروح خليلا

أو يغدر من كان فى الخلق نبيلا

هل وجد لقلبه عن قلبى بديلا

ويتركه يسقط فى هواه صريعا

#mena_hassan 

عِلتي ودوايا

عارفاك عِلتي ودوايا

واخد روحى وقلبى معاك

ليه سايب حبك جوايا 

ومخدتش قلبك وياك

ولا عارفه آخرتها معايا

 مهما بتبعد بستناك

وبخبي حنيني وهوايا

بهرب منك وأنا حباك 

مش لاقيه لقصتنا نهايه

لابقرب ولا عارفه أنساك

#mena_hassan 

صوت الحنين

حتى السكات اللى بينا كلام

وصوت الحنين بينادى بسلام

ورغم إنى عايشه فى حزن وخوف

هيفضل غرامك جوايا يطوف

ومين قال نسيت ولاحتى قسيت

ده أنا قلبى بيفرح لو بس انت جيت

هتفهم معانى الحب الجميل

وتعرف يعنى إيه حبك أصيل؟

هيفضل معايا مكمل سنين

وأقول مش هقرب برغم الحنين

#mena_hassan 

سيد العاشقين

أطلقت سراح قلبى بعد ماسجنته سنين

 ليرى نور عشقك بعد عتمة ألم دفين

ويبدل ترانيم الحزن بلحن حب وحنين

ليشدو بلحن هواك بين كل حين وحين 

ويكبر إحساس عاش بداخلى جنين

فعلمه كيف يحبو إليك ياسيد العاشقين

علمه كيف يتقن لغة العشق والحنين

ويرسم بين عينيك حقول الياسمين

 وكيف ينظم فى هواك أشعار ودواوين

اكتب تاريخ مولده بعد ماكان رهين

وانقذ مافيه من إحساس بطوق حب ثمين

#mena_hassan 

شاغل باله

مستني ليه جوا في قلبي

وعقلي ليه شاغل باله

ولا انت مزاجك غُلبي

قدامك الكون ده بحاله

ماتختار براحتك وتنقي

اللي بخفة دمه وجماله

انساه وورا ضهرك ارمي

مبقاش ينفعلك أحواله

شايل جواه ومخبي

هيعيط لو قولتله ماله

#mena_hassan 

حصاد الرحيل

حصاد الرحيل

قررت الرحيل واعتقدت انه هو الصواب 

فجمعت ماتبقى من مشاعر وأحلام وضعتها فى حقائب النسيان 

وجعلت الرحيل يليق بحجم هذا الحب الساكن بداخلى 

وذهبت دون أن ألتفت إلى الوراء

 وسلكت الطريق الأسهل والإحساس الأصعب

 تنفست بعمق سنين مضت فإمتلأت رئتاى بالألم والأنين

 ألم الفقد وأنين الخذلان 

وأنا فى الطريق رأيت أشجار ونخيل

 تخيلت أن المستقبل سيكون مزهرا وأن الماضى خلفى لن يعود 

وبسرعه السيارة كانت سرعة سقوط دموعى 

وعندما وصلت إكتشفت أنى نسيت أهم وأثمن الأشياء 

فعندما أخذت أحزانى وماتبقى من الكبرياء

 تركت قلبى مع ذكرياتى وابتسامة كانت لا تتركنى صباح مساء

 تركتها لأسافر الى أرض الأحلام

 لأزرع فيها بقايا حب حتما سيكون مستحيل

 فكل أسباب نجاحة غير متاحه كنا لا نملكها

 كنا فقراء تفاهم نعانى فقدان الثقة يعاندنا القدر فى كل حين 

فماذا سنحصد منها

#mena_hassan