زعلان منى

حبيبى على طول ظالمنى

وفـ حبه خلاص هايجننى

 حاله عجيب دايما بيغيب عنى

وآخرة صبرى عليه زعلان منى

بقى ده كلام

هو الحب يكون زعل وملام

يومين حلوين وبقيت الشهر خصام

عايش ولاعلى باله مبسوط وتمام

وأنا اللى بسببه لاباكل ولابنام

وما بيسألش عنى

حبيبى ليه بيحب الأسية

وفـ حياته عاملها غيه

وإيه آخرة القصه ديا

ده قسوة الدنيا مطلعها عليا

وليل نهار معذبنى

 وأنا كان إيه ذنبى

ده أنا عشت عمرى أتمنى رضاه

ماهو ده اللى حلمت بيه وبتمناه

فـ قلبى مكانه وفـ عنيا شيلاه

وهو بالقسوة يعاملنى

 من بين الناس اخترته

ولايوم قدرت على بُعده

أستحمل وأقول هايرجع لعقله

وجاى يقولى مخاصمنى..!

وإيه اللى عليه مصبرنى

شاغلنى معاه وفـ حاله محيرنى

بيقول نسياه وهو اللى هاملنى

ازاى يقدر يبعد عنى

ومكانه ده جوا الننى

أقول إيه تانى

 ده أنا فـ حبه بعانى

أسيبه بكرا يرجع يترجانى

وهاسامحه مع أنه أنانى

ربنا يهديك يا تاعبنى..

mena_hassan

19-3-2016

سنابل الحب

أتت رياح القسوة فى خريف العلاقات

لـ تعصف بسنابل الحب اليانعات

فـ تتمايل من أثرالقهر والصدمات

تتهاوى بضعف أمام القاصى والآت

تُسجى صريعة الأنانية وحب الذات

تبكيها مشاعرلم يتبق منها إلا الرفات

وحنايا روح تعانى من التيه والشتات

تتساقط دموع ظلت فى المآقى حائرات

تنعى قلب ظل على فتات الإحساس يقتات

عاد بعد سنين عشق بأيادى الحب خاويات

فـ كل مواسم العشق كانت عجاف قاحلات

وكيف تنبت سنابل يرويها نهر الخلافات

وفى العقل بذور الشك منثورة بين الجنبات

فـ ماذا ستجنى أيها العاشق غيرعشق قد مات

وأحلام وأدتها الغيرة كانت فى الروح وليدات

mena_hassan

14-3-2016

أمى هى الرضا

ماليا الكون كله بحنانها

روحى بترتاح بس أقولها

أمى اللى عايشين فى خيرها

طول عمرها شايلة همى

أديها عينيا وأفديها بدمى

مافيش غيرها حبنى من قلبة

وفى حنانها لافيه بعده ولاقبلة

بدعوة منها تتفتح كل البيبان

وإبتسامتها بتضيع الأحزان

دى الجنة أنولها برضاها

ربنا يحفظها لينا ويرعاها

وأى كلام تانى فيها يتقال

 أمى للطيبة والحنية مثال

هى الرضا اللى بتمنى أنوله

مش هايكفيها أى كلام أقوله

ربنا يطول عمرها ويخليها

 ويفضل حسها فى الدنيا ماليها

mena_hassan

13-3-2016

قلب أم

أنه لحلم غالى على قلب كل امرأة أن تصبح أم

فمنذ ولادة الطفلة وأهلها يتمنون أن تكبر ليروا يوم زفافها

كل ميولها وألعابها تدور فى دائرة الأمومة

فهى مشاعر زرعت بداخلها بالفطرة

مفهوم الأم عند العامة من البشر هو مفهوم ينحصر

على الزوجة من تنجب الاولاد وتقدم لهم الرعاية الكافية

ومستوى تلك الرعاية يتفاوت مابين أم وأخرى  من حيث التفرغ

ونسبة الحنان والعطاء بداخلها

وكل عام تتسابق المؤسسات فى إختيار الأم المثالية

 الأم التى ضحت من أجل الاودها وأفنت عمرها كله لتنهض بهم

وتوصلهم لبر الأمان سواء فى التعليم أو حياتهم الإجتماعية

وتناسى الجميع قلب أم يعيش فى الخفاء

هو ليس موثق فى أحدى شهادات الميلاد

 أو ظهر بجانب أحد الأطفال فى الإحتفالات

قلب أم لم تلد أو تعيش معهم كل أوقاتهم

أم حرمت من نعمة الإنجاب لكنها مارست الأمومة بمهارة

أم عاملة فى المدرسة أو معلمة تساهم فى تربية التلاميذ

أم تخدم فى المنازل وحرمها القدر وصعوبة المعيشة

من الزواج والإنجاب فشغلتها الحياة ومسئولياتها تجاة أسرتها

وكان من الواجب التضحية حتى ينال الأخوة التعليم وتحقيق أحلامهم

جدة أو خالة وعمة لنا وشغلتنا الحياة عن السؤال عنها

حتى لو كانت زوجة أب تمتلك الحنان والضمير أحيانا تكون البديل

والعوض الكافى لتعيش أسرة كانت على وشك الإنهيار

قلب أم  حمل من التضحيات مايكفى لإصلاح وطن لكن فى الخفاء

ألا يستحق هذا القلب أن نمنحة القليل من الإهتمام والتكريم

بجانب قلب أمهاتنا لكى يشعر ولو ليوم واحد أن هناك من يقدر تضحيتة

الأم ليست فقط من تنجب بل من تضحى وتربى وتفنى حياتها

من أجل أن يكبر وينجح الأولاد

mena_hassan

12-3-2016