خطفنى

خطفنى بكلمة قالهالى

هزار وقلبت جد

دى أجمل صدفه جيالى

وبسرعه هدت سد

وروحه كمان دى ندهالى

وقلبى خلاص إتشد

يا لحظةجميله عايشاها

 بحب وصدق

ياكلمة أه بقولهالك

كانت لغيرك لأ ..

#mena_hassan

2_5_2018

الداء والدواء

كنت مثل الدواء يعرف طريق أوجاعى

فوضعتك بعيداً عن متناول إحساسى

 أعرف أنك ..

فعال جداً ومؤثر جدا وخطرجداً

كنت أخشى الإقتراب 

وفكرة التعود كانت رهاب

فوجودك يسبب حالة إرتباك

أخاف العلاج أخشى الهلاك

أخاف التورط حد الإمتلاك

لكنى إكتشفت ..

أنك الداء والدواء

الفرح والشقاء

وكيف السبيل إلى الشفاء

فمذاقك لاذع وتأثيرك رائع

أماخطورة أعراض إنسحابك

كانت مواجع كانت فواجع

30_4_2018

mena_hassan

عادى وقعت

مال الكتف اللى كنت أسند
عليه همى لما يزيد
وسابت إيدى نفس الإيد
اللى كات تمسك ف إيدى تشد
وعادى وقعت..
وإيه يعنى وكان إيه جديد
وكل اللى حلمت بيه إتهد
هبكى عليه وإيه هايفيد
وباب الفرحه قدامى خلاص إتسد

mena_hassan

توبت عن الحب

وخلاص توبت عن الحب

ومفيش دقات ف القلب

هتنادى بإسمك تانى

أصل إنت طلعت أناني

بتغيب ولا يوم بتفكر

هستنى ليالى وبسهر

وإن إنت اللى مخلينى

عيشالك أحلى سنينى

بس ده كان غيرك أشطر

هنساك ولا حتى هافكر

خليك على طبعك قاسي

ومكبر عقلك ناسي

مش هرجع أحبك تاني

وأعيش ف حياتى بعاني

ماخلاص توبت عن الحب

وملكش مكان ف القلب

21_4_2018

mena_hassan

على بالى

ولإمتى هفضل كده على حالى

والنسيان محتاجله أيام وليالى

وإن كنت خطرت على بالك يوم

من إمتى وإنت مخطرتش على بالى

mena_hassan

لما غيبت

لما غيبت أنا قولت ناسى
قولت كان غدار وقاسى
رد قلبى وقال حبيبى
كان حياتى كان نصيبى
وف ساعتها عيونى لمعت
حتى روحى لما سمعت
راحت قوام ترد غيبتك
وترد فيا لوجابوا سيرتك
22_3_2018
#mena_hassan

الوحدة اريح

ولا بزعل ولا بفرح
ولا ليا بينكوا مطرح
لافى يوم سألتوا مالك
ولا ساكته ليه بتسرح
القلب فى هواكوا شاكك
ده قاسى وده بيجرح
خلينى كده فى حالى 
والوحده عشانى أريح

mena_hassan