يومين عزله وكام جلسه مع دكتور
وشويه أدويه يمكن تداوي قلبك المكسور
بتتألم بس هتتعلم تمنع وجعك إنه يثور
هتتحمل ويجي اليوم بإذن الله تقوم مجبور
#mena_hassan
الأحد، 29 نوفمبر 2020
الخميس، 19 نوفمبر 2020
جوا القلب
ورقه فاضيه ويلا هكتب
عاللي جوا القلب دبدب
حب مالي الكون عليا
مهما أقول عليه شويه
ضحكته صوته وكلامه
والحنان اللي فى سلامه
خلى قلبي عليه يسلم
وف غرامه خلاص مسلم
بنسى حزن الدنيا لما
بيناديني يقولي،، منه
روحي ديما مرتحاله
واللي أنا عايشه عشانه
ده نعمه من السما ليا
حلت الدنيا في عينيا
#mena_hassan
الأحد، 15 نوفمبر 2020
الوداع
الوداع يا حب ضاع ماعرفتش أملكة
الوداع يا قلب باع وأنا كنت بعشقة
ضاعت معاك أجمل ذكريات أناعشتها
راحت كمان أحلام زمان معاك حلمتها
بس قبل ما أمشى نفسى أسألك سؤال
هو اللى بينا ده كان غرام ولا خيال..؟
لما كنت بتقول بحبك كنت ناوى على الخداع..؟
يالى كنت حب عمرى ماخدتش منك غيرأوجاع
ليه بتقسى وليه التجنى ده أنت كنت حته منى
وبسهولة خانى وباع
يالى سكنك جوا قلبى وكان منايا تبقى جمبى
عيشتنى سنين ضياع
والليالى عليك بتشهد سهرتها بدموع وحيرة
وكل مره ترجع تقولى أوعدك هاتكون الأخيرة
وفجأة كدة بين يوم وليلة تنهى قصتنا الجميلة !
وكل وعد بينا ضاع
وصلت حكايتنا للنهاية ياحب أتمنيته يكمل معايا
لكنه صمم على الوداع
الوداع ياأحلى كدبة صدقتها
الوداع ياوهم دخل حياتى وهدها
#mena_hassan
الخميس، 12 نوفمبر 2020
راضيه بالمقسوم
ك الشمس تنور بضياها
وتخبي الحزن ده جواها
بتضحك وتبان فرحانه
مع إنها خايفه وقلقانه
ورده ودبلت قبل آوانها
و بتحارب مع أحزانها
تايهه مابين ماضي وبكرا
وتمثل إنها مش فاكره
تكدب وتقول إنها عايشه
ومحبوسه مع الحظ ف دايره
ثابته ولو وقعت بتقوم
وتقول راضيه بالمقسوم
#mena_hassan
الثلاثاء، 27 أكتوبر 2020
إلا رسول الله
نبدأ كلامنا نصلي ونسلم
على نبينا خير معلم
أمدح بإيه واوصفه
ومفيش كلام ينصفه
يوم مولده كان يوم فرح
وبرؤيته الكون انشرح
كل الكمال فى صفاته
ونشر السلام فى حياته
أنا كل منايا ومطلبي
اني أزور بيت النبي
واشوفه مره فى المنام
وأملي عيني بنوره
سبحانه من سواه
وصلى على رسوله
ياموحدين بالله
#إلا_رسول_الله
يلا انصروا رسولنا
وصلوا علي شفيعنا
#mena_hassan
الأربعاء، 14 أكتوبر 2020
الي المجهول
فى ليلة مظلمة لا ضوء فيها غير القمر
خرجت بخطوات مسرعة نحو الحديقة
وقفت عند شجرة التوت الكبيرة
التى طالما شهدت على ذكرياتها
نظرت لها بنظرة بائسة وتنفست بعمق سنوات مضت
وألقت بشالها على جذعها وكأنها تودعها وتهديها إياه
فهى قررت لأول مره أن تقتنص حريتها
وتخرج إلى الحياة حتى لو كانت مجهولة
لكنه اختيارها الذى سرقته منها الأيام
وتمضى دون أن تلتفت إلى الخلف
فما مضى قد فات وماأجمل البدايات
#mena_hassan
الأحد، 11 أكتوبر 2020
مين فينا
مين فينا ماداقش المر
وقال على طعمة ده مسكر
ومين فينا ماشافش الصعب
وقال على طريقه أنا هاقدر
هاتحدى جبال من الهم
هاتحمل
أنا قادر وهاعافر
ولو الكون وقف ضدى
مش راجع ومش هاندم
ولاهاخسر
لكن تقلت همومه عليه
واتكتفت بالحزن إيديه
يبكى نهاره وطول لياليه
وفـ كلامه يتحسر
على خاينين ماصانوا العشره
على اللى طلعوا دهب قشره
راحوا وسابوله جراح وقهر
هايبكى كتير ومين يسمع
واللى فات لو كان يرجع
هايرجع ليه وبإيه ينفع
ندم ودموع
فى سكة مافيهاش رجوع
وناس ماتت ضمايرهم
عايشين بيدوسوا على غيرهم
ويشمتوا فى قلوب بتتكسر
#mena_hassan
الاشتراك في:
الرسائل (Atom)