رجعت لمطرحها
وكفايه قلة قيمه
ودموعها تمسحها
كات تجربه أليمه
ده مكنش يفرحها
لا وشايه ونميمه
هتلم فى جراحها
ويارب تبقى سليمه
#mena_hassan
الأربعاء، 27 يناير 2021
رجعت لمطرحها
الأحد، 13 ديسمبر 2020
عامل قاضي
عقلى رايق قلبى راضي
وانت يالى عاملى قاضي
مين اداك الحق تحكم
انت ظالم مش بترحم
حد فاشل حد فاضي
يتحط في خانة التغاضي
شاغل نفسك بمين وفين
وف الحقيقه وضعك مشين
مش فارقلي ولاخدت بالي
وأى كلمه انا لا أبالي
خليك كده عمال تلطش
وانا عادي بعرف أطنش
بعرف أكبر بعرف أداري
وبتجاهلك أنا خدت تاري
#mena_hassan
الأحد، 29 نوفمبر 2020
يومين عزله
يومين عزله وكام جلسه مع دكتور
وشويه أدويه يمكن تداوي قلبك المكسور
بتتألم بس هتتعلم تمنع وجعك إنه يثور
هتتحمل ويجي اليوم بإذن الله تقوم مجبور
#mena_hassan
الخميس، 19 نوفمبر 2020
جوا القلب
ورقه فاضيه ويلا هكتب
عاللي جوا القلب دبدب
حب مالي الكون عليا
مهما أقول عليه شويه
ضحكته صوته وكلامه
والحنان اللي فى سلامه
خلى قلبي عليه يسلم
وف غرامه خلاص مسلم
بنسى حزن الدنيا لما
بيناديني يقولي،، منه
روحي ديما مرتحاله
واللي أنا عايشه عشانه
ده نعمه من السما ليا
حلت الدنيا في عينيا
#mena_hassan
الأحد، 15 نوفمبر 2020
الوداع
الوداع يا حب ضاع ماعرفتش أملكة
الوداع يا قلب باع وأنا كنت بعشقة
ضاعت معاك أجمل ذكريات أناعشتها
راحت كمان أحلام زمان معاك حلمتها
بس قبل ما أمشى نفسى أسألك سؤال
هو اللى بينا ده كان غرام ولا خيال..؟
لما كنت بتقول بحبك كنت ناوى على الخداع..؟
يالى كنت حب عمرى ماخدتش منك غيرأوجاع
ليه بتقسى وليه التجنى ده أنت كنت حته منى
وبسهولة خانى وباع
يالى سكنك جوا قلبى وكان منايا تبقى جمبى
عيشتنى سنين ضياع
والليالى عليك بتشهد سهرتها بدموع وحيرة
وكل مره ترجع تقولى أوعدك هاتكون الأخيرة
وفجأة كدة بين يوم وليلة تنهى قصتنا الجميلة !
وكل وعد بينا ضاع
وصلت حكايتنا للنهاية ياحب أتمنيته يكمل معايا
لكنه صمم على الوداع
الوداع ياأحلى كدبة صدقتها
الوداع ياوهم دخل حياتى وهدها
#mena_hassan
الخميس، 12 نوفمبر 2020
راضيه بالمقسوم
ك الشمس تنور بضياها
وتخبي الحزن ده جواها
بتضحك وتبان فرحانه
مع إنها خايفه وقلقانه
ورده ودبلت قبل آوانها
و بتحارب مع أحزانها
تايهه مابين ماضي وبكرا
وتمثل إنها مش فاكره
تكدب وتقول إنها عايشه
ومحبوسه مع الحظ ف دايره
ثابته ولو وقعت بتقوم
وتقول راضيه بالمقسوم
#mena_hassan
الثلاثاء، 27 أكتوبر 2020
إلا رسول الله
نبدأ كلامنا نصلي ونسلم
على نبينا خير معلم
أمدح بإيه واوصفه
ومفيش كلام ينصفه
يوم مولده كان يوم فرح
وبرؤيته الكون انشرح
كل الكمال فى صفاته
ونشر السلام فى حياته
أنا كل منايا ومطلبي
اني أزور بيت النبي
واشوفه مره فى المنام
وأملي عيني بنوره
سبحانه من سواه
وصلى على رسوله
ياموحدين بالله
#إلا_رسول_الله
يلا انصروا رسولنا
وصلوا علي شفيعنا
#mena_hassan
الاشتراك في:
الرسائل (Atom)