اتعلمت
*********
كنت فاكرة الدنيا سهلة
طلعت زى غابة واسعة
واللى كانوا كل ناسي
سابوا قلبى كتير يقاسي
واتخدعت
لما قالوا عيننا
ليكي
كل اللى فات والجاي
ليكى
بس انتى يدوب تشاورى
وفـ ثانية هايكون
بين ايديكى
واكتشفت
إنى كنت عايشة كدبة
بين إيديهم شكلى
لعبة
بس كنت حقيقي ساذجة
لما لـ وعودهم سمعت
واتصدمت
فضلت تبكى كتير
عيونى
من اللى خانوا
وظلمونى
واللى بأرخص تمن
بعد ما اشترتهم
باعونى
اتظلمت
بس عادى ماهى دنيا
مهما تاخد منها
فانية
اللى هايبقى فيها
عملك
وكل حرف بيه نطقت
واتعلمت
خدت وقت
آهـ تعبت بس فوقت
أيوة كان الدرس صعب
بس فى الآخر فهمت
دمعه حائره
24-12-2013
ليست هناك تعليقات:
إرسال تعليق