غيرت حياتك
فكرت مره تغير حياتك ما هو مش شرط انك لازم تكملها بنفس الطريقه
ايه بجبرك تعيش فى ظروف ووضع تاعبك وما بقتش تحس بأى فايدة فيه
لمجرد ان لازم تكمل فى اللى
بدأته نفرض ان اللى بدأته كان غلط
حتى لو كنت حققت مكاسب فيه مافيش حاجه كاملة ولا بتدوم
ومؤكد هايبان فى وقته
حابسين نفسنا فى روتين سواء فى
اكلنا أوخروجنا
حاجة بتشدنا نكرر اللى بنعمله وده ممكن يكون سبب لان العالم كله سبقنا
تغيير الحياة بيجى من تغيير الفكر وتجديدة
ساعات لما تبدأ يومك من غير تخطيط زى ماانت متعود المفجأة نفسها فيها
متعه
المغامرة ليها اثر كبير فى النجاح
فكرت تغير اللى تعرفهم لما تلاقي وجودهم معكنن حياتك
فكرت تغير بيتك لما تبطل تحس بالدفا فيه
ازى حتى تغير نظامه ومكان الموبيليا فيه
طريقة لبسك آخر مرة غيرتها
امته
التغير مش معناه انك ماعندكش
مبدأ
لأن فيه حاجات فى البنى آدم ما ينفعش نغيرها
لكن ما يمنعش انك تتغير لو حسيت بعيوبك بتنطق وتكلمك وتفهمك انه كفايه
ما تضعيش عمرك على الفاضى
بص لواحد عيان وحط نفسك مكانه وهو بيتمنى يتحرك ويقوم يصلى
مع انه كان كسول وهو بصحته والحق نفسك وغيرها لو مش بتصلى
بص لواحد فقير مستنى منك حسنة واعرف انك فى نعمة لازم تشكر ربنا عليها
لو صاحبك وحش وبيساعدك على
الغلط ابعد عنه وغيره
شوف حد يصاحبك على الخير
غيرحياتك ما تخليش عمرك يضيع هدر وانت زى ماانت بتكرر يومك كل يوم
حتى اخطائك بتكررها
عارف لو يوم فى الاسبوع غيرت حياتك فيه هاتحس بفرق ونشاط
يخليك تقدر تنجز وتحقق اللى نفسك فيه
24-3-2015
mena_hassan
ليست هناك تعليقات:
إرسال تعليق