عايش مغلوب على أمرك
ومحدش يوم حس بغلبك
عيل لسه على الهم صغير
وكل اللى يشوفك يتحير
هو أنت مين...؟
وليه بتلف فى كل مكان
طب هو مين
وصلك للحال ده
ياغلبان
فى الدنيا دى مين
حاسس بيك
ان كنت شبعان ولا
جعان
ولا ان كان الحمل
تقيل
وكاتم فيك آهات حرمان
شيل كمان شيل هموم
ضهرك محنى ومش هاتقوم
شيل زبالة وخد بقشيش
شيل عشان البيه يعيش
عايش فى الدنيا دى على الهامش
محروم مهموم واسمك عايش
اصبر على همك واتحمل
يمكن بكرا حياتك تتجمل
mena_hassan
15-11-2016
ليست هناك تعليقات:
إرسال تعليق