هى الإيد اللى بتطبطب على وجعى
تبكى لو شافت على خدى فـ يوم دمعى
ومين غيرها فى الدنيا دى شايل همى
دى ست الكل
تشترينى لو الكون كله راح وباعنى
هى الحضن اللى لما اجرى عليه يسعنى
ولما أزعل مين غيرها يفهمنى ويسمعنى
وبلاقى الحل
مش عاوزة من الدنيا غيرضحكتى
وبوجودها جمبى تكمل فرحتى
حبها مالى عليا حياتى ودنيتى
ولافـ يوم قل
هافضل لآخر يوم فى عمرى أحبها
هى اللى نفسى أكمل حياتى فى حضنها
ومش بتساعنى الدنيا لما أندهلها
وعليا تطل
ربنا يخليها ويحفظها ليا
دى هى اللى ماليا الدنيا عليا
حبيبتى أمى دى ست الكل
mena_hassan
20-3-2017
ليست هناك تعليقات:
إرسال تعليق