بسم الله الرحمن
الرحيم
فى اليوم العالمى للمرأة من المتوقع إنى أتكلم عن حقوق المرأة
والمشاكل اللى بتعانى منها فى المجتمع أو الأسرة
المجتمع العربي معروف انه بيظلم المرأه
وبيسلبها حقوق كتير
بالإضافة انه حاطتها دائما تحت المراقبة
وبيحملها نتيجة أى خطأ او فشل بيحصل للاسرة
ده جانب الكل عارفه
واضح جدا ودائم النقاش والصراع قائم فيه
علي مدى العصور
أحيانا يلاقى المتجاوب معاه وأحيانا الرفض
وده على مستوى الرجال عموما لكن الغريب والمثير
للدهشة
ان المرأة تجد الهجوم
والعنف من المرأة زيها
تحطها فى دائرة النقض
والهجوم
تلاقى من بنات حواء اللي تحاربها فى شغلها
او تخطف منها زوجها او تغيرمنها فى دراسه
او تقلل من انجازتها سواء فى شغلها او تربية
اولادها
او الام تفرق في المعامله بين ابنها وبنتها
لمجرد انه ولد
وام الزوج اللي بترفض
عمل زوجة ابنها وتحكم علي طموحها بالفشل
امثله كثيرة وتصرفات
غير مقبوله وغير مفسره
تدخل تحت بند العداوة الغير مسببه
ازاي نطالب بحقوق المرأة
ونطلب من المجتمع انه
ينصفها في الوقت اللي النساء نفسهم
بيمارسوا العدوانيه
والعنصريه مع بعض
ازاى نتمنى مجتمع متطور واحنا مننا فينا بنحطم
نصه التانى
ازاى نطلب العدل من
الرجال واحنا النساء نفتقد لأبسط مفاهيمه
محتاجين نرتقي بالنفوس والعقول ونترك صراعات
النساء وهفواتهم بعيدا
والا فلا نلوم الا
انفسنا
mena_hassan
8-3-2016
