خواطر منه حسن

الأحد، 13 مايو 2018

صدفه

وجات الصدفه على بابى
فجأه تدق
دى صدفه ماجتش على بالى
ماقولتش لأ
وقلبى ساعتها من الفرحه
ده ماصدق
وساب نفسه كده بسرعه
يدق يدق
كأنه كمانجة وبتعزف
على دقة رق
وصوت الفرحة من جواه
طالعه بصدق
تنور حاجة فى حياتى
شبه البرق
mena_hassan
13_5_2018

الأربعاء، 9 مايو 2018

سايق عليك الشوق

يالى إنت مش فاكر

إرجع بقى وفوق

إرجع متبقاش ناكر

إمتى لقلبى تروق

يالى فى هواك آسر

الورد بقى فيه شوك

والبحر موجه ثاير

سايق عليك الشوق

ولا أنت مش فاكر!

كلمه وحشتنى مين

هايقولها لما تسافر

سايق عليك قلبى

قلبى عليك محروق

البعد ده مالوش آخر؟

#mena_hassan

الاثنين، 7 مايو 2018

الخطوة الاولى

ولعل أجمل مراحل الحب وأكثرها إثارة

هى مرحلة ماقبل الإعتراف به

تعتلى فيها لغة النظرات والهمس المراتب الأولى

وتتنحى الكلمات خجلا عن مكانتها

فى لحظات تكون المشاعرفى شرنقة الكتمان

حتى تتأكد من هويتها وترسى أسس ومعايير قد تلازمها طيلة حياتها

توجه بوصلتها إلى حيث يميل القلب وتحلق بعيدا إلى عالم الخيال

لترسم مع خليل الروح أمنيات وينهلا معا من نهر السعادة

ولكى تمر تلك المرحلة وتأتى بنتائجها المرجوة

لابد من مبادر يأتى بخطوات واثقة ومشاعر متأججة

يبادر بالإعتراف بالحب أو حتى بالإعجاب

لعلها خطوة تبدو سهلة ومتعارف فيما بيننا من يقوم بها

كما أعتدنا بلا شك هو الرجل فالمبادرة هى من مسئولياته

لا يجد فيها عناء أو خجل وحتى إن لم يجد القبول

لن تكون مأساة بالنسبة له

الرجل هنا له الحق فى المبادرة والتعبير عن مشاعره

حق إقتناص حبيبته من وسط الكثيرين والفوز بها قبل غيره

لكن على الجانب الآخر ماذا لو كانت المرأة هى من تود المبادرة

وإنقاذ حبها قبل أن يقتله الإنتظار والصمت..

أتعترف هى بهذا الحب وتفقد الرجل حقه فى المبادرة

وهو أمر غاية فى الأهمية بالنسبه له

وكيف يكون الحال إن لم يكن يبادلها نفس الإحساس

هل تكن صدمة لها أو من الممكن أن تفقدها الثقة فى نفسها وفى مفهوم الحب

أسئلة تدور فى ذهن الطرفين ومن الممكن أن تأخذ من وقتهما الكثير

مما يكون له أثر سلبى على مصير علاقتهما

ومعادله صعبة أن تحافظ على حبك وتدخل مخاطره أو مراهنه تخرج منها

بكسب قلب تعشقه أو خساره كرامه أهدرها الرفض من الجانب الآخر

لكن فى النهاية من المؤكد أن مشاعر الحب ثمينة وتستحق منا

أن نبذل مافى جهدنا للمحافظة عليها دون الإلتفاف لعادات وتقاليد

قد تسرق منا السعادة لآخر العمر

mena_hassan

7-5-2018

الأربعاء، 2 مايو 2018

خطفنى

خطفنى بكلمة قالهالى

هزار وقلبت جد

دى أجمل صدفه جيالى

وبسرعه هدت سد

وروحه كمان دى ندهالى

وقلبى خلاص إتشد

يا لحظةجميله عايشاها

بحب وصدق

ياكلمة أه بقولهالك

كانت لغيرك لأ ..

#mena_hassan

2_5_2018

الاثنين، 30 أبريل 2018

الداء والدواء

كنت مثل الدواء يعرف طريق أوجاعى

فوضعتك بعيداً عن متناول إحساسى

أعرف أنك ..

فعال جداً ومؤثر جدا وخطرجداً

كنت أخشى الإقتراب

وفكرة التعود كانت رهاب

فوجودك يسبب حالة إرتباك

أخاف العلاج أخشى الهلاك

أخاف التورط حد الإمتلاك

لكنى إكتشفت ..

أنك الداء والدواء

الفرح والشقاء

وكيف السبيل إلى الشفاء

فمذاقك لاذع وتأثيرك رائع

أماخطورة أعراض إنسحابك

كانت مواجع كانت فواجع

30_4_2018

mena_hassan

الأحد، 29 أبريل 2018

عادى وقعت

مال الكتف اللى كنت أسند
عليه همى لما يزيد
وسابت إيدى نفس الإيد
اللى كات تمسك ف إيدى تشد
وعادى وقعت..
وإيه يعنى وكان إيه جديد
وكل اللى حلمت بيه إتهد
هبكى عليه وإيه هايفيد
وباب الفرحه قدامى خلاص إتسد

mena_hassan

السبت، 21 أبريل 2018

توبت عن الحب

وخلاص توبت عن الحب

ومفيش دقات ف القلب

هتنادى بإسمك تانى

أصل إنت طلعت أناني

بتغيب ولا يوم بتفكر

هستنى ليالى وبسهر

وإن إنت اللى مخلينى

عيشالك أحلى سنينى

بس ده كان غيرك أشطر

هنساك ولا حتى هافكر

خليك على طبعك قاسي

ومكبر عقلك ناسي

مش هرجع أحبك تاني

وأعيش ف حياتى بعاني

ماخلاص توبت عن الحب

وملكش مكان ف القلب

21_4_2018

mena_hassan