خواطر منه حسن

الأحد، 18 أغسطس 2019

غائبى

ياغائبى
جف القلم حزناً
واصفرت أوراقى شوقاً
فما آن الآوان للقياك
وكفاك بُعداً

السبت، 27 أبريل 2019

هدعيلك

مش هكتب عن حبك تانى

ولا أقولك أشعار وأغانى

أنا حبى هخبيه جوايا

وهيكبر ويكفى سمايا

ده محدش حبك كده قدى

مع إنى بدارى وبخبى

وهشوفك بس وهدعيلك

واتمنى الخير كله يجيلك

#mena_hassan

الثلاثاء، 9 أبريل 2019

ليله الحزن

ياليلة الحزن شاركينى

همومى وتعبى فى سنينى

نزلت دمعه من عينى

ليالى كتيره إحتارت

ومين دلوقتى يواسينى

لو يوم قالوا دى إنهارت

#mena_hassan

السبت، 16 مارس 2019

غبار الحنين

انفض عنك غبار الحنين

وللحزن أبداً لاتستكين

فكم من قلوب قتلها أحبه

لا تعرف تعشق وللحب تلين

#mena_hassan

الخميس، 14 فبراير 2019

بحبك إيه..!
ده إحساس عدى
كل معانى الحب فى الروايات
ده قرب مش بمكان ولا مسافات
دى حاجة كدة شبه غنوة وعزف نايات
وقصه لو هنحكيها دى عاوزه ساعات
ده شوق بينادى ويقولك تعالى وهات
فرحه تخلى اللى كان قبلك ماضى وفات
#mena_hassan

الأربعاء، 6 فبراير 2019

بتضحك

بتضحك بس فى الصورة

ومن جواها روحها مكسورة

وبتعافر مع الدنيا

وحالفة ماتنهزم ثانية

عشان لسه فيه أمل شيفاه

جوا عيون باصالها بتستناه

وحيدة صحيح لكن راضيه

وبالوجع الحياة ماشيه

بتدعى لربها ده كريم

يهون كل هم عظيم

#mena_hassan

الأربعاء، 19 ديسمبر 2018

بغيرعليك

بغير عليك من اللايك والشير

ومن أى حد يبصلك بضمير

بغير عليك من أختك وأخوك

ومن كل اللى شافوك وحبوك

بغير عليك ومن عينهم أخبيك

ده أنا كُلى ليك ربنا يهديك

#mena_hassan