حبك تعب بتقولى ليه
عاوز سبب..؟
هاحكى على قلبي اللى انكسر
ولا إحساسي اللى إنقهر
وأقولك إيه..؟
كات قصة ممكن نهايتها تختلف
لو أنت فعلا حد تانى مختلف
كان إسمه إيه..؟
كان إسمه حب مالى الكون عليا
يفهمنى حتى من نظرة عينيا
هاخبي ليه..؟
أيوة كان حبك مالي عليا دنيتى
بشوفه مش بس دنيا ده كان جنتي
وعملت إيه..؟
موت فيا معنى الحب والأمان
وإن قلبي رخيص وياما هان
هشكى لمين..؟
أشكيك لقلبي اللى عليك وصانى
ولا لعينى اللى سهرت تترجانى
أستنى مين..؟
أستنى أشوفك هاتيجى إمتا
واليوم يعدى وأنت مش أنت
وأفكر فــ إيه..؟
أفكر تانى فــ اللي راح
ولاأبكى ليالي مـ الجراح
وأحلم بإيه..؟
بحب ضاع وقلب باع
وفى عز ماكان قلبي
دايب من الحنين
قالك خلاص كلمة وداع
حبك تعب عرفت إيه السبب..
mena_hassan
11-12-2015
ليست هناك تعليقات:
إرسال تعليق