الحزن خلاص ودعته
مش هاكتب عنه وسيرته
والحيرة دى كات وخدانى
من ناسى ومن خلانى
هاشطبها دى من حساباتى
والفرح فى قلبى يوماتى
هاينور كل حياتى
وهاعلم قلبى الرايق
يضحك لو كان مدايق
ويسامح كل الناس
ويعيش بس بإحساس
الجاى هيبقى جميل
وينسى ده كان ومستحيل
وعيونى دى هاعودها
ممنوع تنزل دمعتها
وتشوف فى السما ألوان الطيف
هايعدى الفرح سحابه خفيف
ينزل مطر الخير على طول
وكل الحزن خلاص هايزول
مش هاسجن نفسى فى ماضى
وأضيع أيامى على الفاضى
ده الحزن خلاص ودعته
مش هاكتب عنه وسيرته
mena_hassan
3-2-2018
ليست هناك تعليقات:
إرسال تعليق