إن كان اليأس محاوطك
وأيادى الهم عماله تهدك
مدايق صوتك مخنوق
مش شايف قدامك أى فروق
عايش وحديك والحزن ماليك
تتبعتر أحلامك من وسط إيديك
مش فارقة معاك وخلاص مليت
تايه وغريب وعن الكل داريت
حط فى قلبك نية وأتمنى كمان أمنية
بص لفوق وقول يا رب تتحقق ليا
وصلي كتير من غير تفكير
وأوعاك تزهق ليك رب كبير
هاتلاقى الهم إتشال والصعب هايبقى محال
سلم أمرك للخالق ده مابينساش مخلوق
صدقنى هاترتاح والكون يبقى براح
ومن وسط الضلمه هاتلاقى بريق
للصح هايهديك ويحقق أمانيك
ويفتح قدامك للفرح ألف طريق
#mena_hassan
ليست هناك تعليقات:
إرسال تعليق