الوحدة اريح

ولا بزعل ولا بفرح
ولا ليا بينكوا مطرح
لافى يوم سألتوا مالك
ولا ساكته ليه بتسرح
القلب فى هواكوا شاكك
ده قاسى وده بيجرح
خلينى كده فى حالى 
والوحده عشانى أريح

mena_hassan

حلاوة روح

وناس جوا القلوب عايشة منين ماتروح

تغيب تقسى تروح تنسى وسايبه جروح

على بالى ويحلالى أنام واصحى ولا بتروح

ولو شافوا غلاوتهم وعرفوا ازاى محبتهم

لا يوم غابوا ولا سابوا القلب فى عذابه

 يعيش وحده حلاوة روح

#mena_hassan

جنة الاحساس

يالي حبك حته منى

بيجرى فى دمى من الاساس 

حب مالى الكون عليا 

خدنى من الدنيا ومن الناس

حتى لو بعدت عنى

ده انت عايش جوا منى

ليل نهار بعيش كأنى

عايشة فى جنة الإحساس

14_2_2018

#mena_hassan

خلاص ودعته

الحزن خلاص ودعته

مش هاكتب عنه وسيرته

والحيرة دى كات وخدانى

من ناسى ومن خلانى

هاشطبها دى من حساباتى

والفرح فى قلبى يوماتى

هاينور كل حياتى

وهاعلم قلبى الرايق

يضحك لو كان مدايق

ويسامح كل الناس

ويعيش بس بإحساس

الجاى هيبقى جميل

وينسى ده كان ومستحيل

وعيونى دى هاعودها

ممنوع تنزل دمعتها

وتشوف فى السما ألوان الطيف

هايعدى الفرح سحابه خفيف

ينزل مطر الخير على طول

وكل الحزن خلاص هايزول

مش هاسجن نفسى فى ماضى

وأضيع أيامى على الفاضى

ده الحزن خلاص ودعته

مش هاكتب عنه وسيرته

mena_hassan

3-2-2018

كهف الصمت

على قضبان الغياب سفكت دماء الحنين

تتوارى عن العيون لتخفى أوجاع الأنين

فتسجن المشاعر وحيدة فى كهف الصمت

لـ تعيش ماتبقى لها من العمر فى كبت

تظل شريدة مقطوعة أوصال اللهفة فيها

وأصوات الخواء تضج فى كل نواحيها

يخيم الظلام وترتسم الغربة من حولها

وفجأة تكتشف ماكان عليها وماكان لها

تبحث عن بصيص نور يبث فيها الأمان

وينقذها من غياهب الظلام وبئرالأحزان

تنهار الروح متعبة يائسة ويتصدع بنيانها

فتستسلم لواقع أطاح بإحساسها وهشم كيانها

وعلى أخر وتر من أوتار قلبها المقطوعة شوقاً

تعزف ألحان الوداع وتتمايل حزناً وقهراً

تنتظر لحظات إحتضار ذكرياتها وماضيها

وتشيد لها فى كهف الصمت ضريح يحتويها

mena_hassan

31-1-2018

فقدان الشغف

الشغف هذا الخيط الذى يربطك بروح الحياة

يجعل كل مافيها له طعم ولون

إحساس بالفرح فى كل ماتقوم به فى حياتك

التطلع والرغبه فى كل جديد

إرتباطك بحاله خاصة بكل ماهو حولك

سواء مقتنيات أو أشخاص أو حتى ميول

الشغف يجعل عيناك دائما فيها بريق يلمع أمام مايهمك أمره

الشغف يجعل قلبك واحة خضراء ملؤها الخصوبة بفعل الحب

يمنع الظلام من أن يقترب من أركانك أو اليأس يحطم معنوياتك

مؤلم هو غياب الشغف يحول روحك لصحراء قاحله لاأمل فيها

يطفىء بريق عينيك ولاتلمع أمام ماكان يلفت إنتباهك

يسرق إبتسامه كانت تدخل البهجة على روحك

غياب الشغف كغياب الروح من الجسد

هى حاله تأتى بعد الكثير من الخيبات والخذلان

ليضعك فى ركن من الكآبة

بفقدان الشغف تفقد الرغبه فى كل شىء

وتنسى معنى اللهفه والبسمه والحلم

ويبقى فقط الإستسلام والوحده

ولايخرجك من هذه الحاله سوى الإرادة والإيمان

والا ماتت رغبتك فى الحياة

mena_hassan
14-1-2018

حكاية حياه

وغيره ماليش ومش بنساه
لان اللى بينا حكايه حياه
بعيشها وبفرح وأنا وياه
وفى غيابه عنى بنده عليه
وبسأل وأقوله غيابك ده ليه
نسيت حلم كنا سوا حلمناه ؟
نسيت وعد منك ماتنساه !
حياتى خلاص وقفت عليه
ونفسى يعرف بحبه قد إيه
ولو عدى عمرى هستناه
لأن اللى بينا حكاية حياه
هعيشها عشانه ومش هنساه

27-12-2017

mena_hassan