خواطر منه حسن

الأربعاء، 11 أبريل 2018

على بالى

ولإمتى هفضل كده على حالى

والنسيان محتاجله أيام وليالى

وإن كنت خطرت على بالك يوم

من إمتى وإنت مخطرتش على بالى

mena_hassan

الخميس، 22 مارس 2018

لما غيبت

لما غيبت أنا قولت ناسى
قولت كان غدار وقاسى
رد قلبى وقال حبيبى
كان حياتى كان نصيبى
وف ساعتها عيونى لمعت
حتى روحى لما سمعت
راحت قوام ترد غيبتك
وترد فيا لوجابوا سيرتك
22_3_2018
#mena_hassan

الأربعاء، 7 مارس 2018

الوحدة اريح

ولا بزعل ولا بفرح
ولا ليا بينكوا مطرح
لافى يوم سألتوا مالك
ولا ساكته ليه بتسرح
القلب فى هواكوا شاكك
ده قاسى وده بيجرح
خلينى كده فى حالى
والوحده عشانى أريح

mena_hassan

الأحد، 25 فبراير 2018

حلاوة روح

وناس جوا القلوب عايشة منين ماتروح

تغيب تقسى تروح تنسى وسايبه جروح

على بالى ويحلالى أنام واصحى ولا بتروح

ولو شافوا غلاوتهم وعرفوا ازاى محبتهم

لا يوم غابوا ولا سابوا القلب فى عذابه

يعيش وحده حلاوة روح

#mena_hassan

الأربعاء، 14 فبراير 2018

جنة الاحساس

يالي حبك حته منى

بيجرى فى دمى من الاساس

حب مالى الكون عليا

خدنى من الدنيا ومن الناس

حتى لو بعدت عنى

ده انت عايش جوا منى

ليل نهار بعيش كأنى

عايشة فى جنة الإحساس

14_2_2018

#mena_hassan

السبت، 3 فبراير 2018

خلاص ودعته

الحزن خلاص ودعته

مش هاكتب عنه وسيرته

والحيرة دى كات وخدانى

من ناسى ومن خلانى

هاشطبها دى من حساباتى

والفرح فى قلبى يوماتى

هاينور كل حياتى

وهاعلم قلبى الرايق

يضحك لو كان مدايق

ويسامح كل الناس

ويعيش بس بإحساس

الجاى هيبقى جميل

وينسى ده كان ومستحيل

وعيونى دى هاعودها

ممنوع تنزل دمعتها

وتشوف فى السما ألوان الطيف

هايعدى الفرح سحابه خفيف

ينزل مطر الخير على طول

وكل الحزن خلاص هايزول

مش هاسجن نفسى فى ماضى

وأضيع أيامى على الفاضى

ده الحزن خلاص ودعته

مش هاكتب عنه وسيرته

mena_hassan

3-2-2018

الأربعاء، 31 يناير 2018

كهف الصمت

على قضبان الغياب سفكت دماء الحنين

تتوارى عن العيون لتخفى أوجاع الأنين

فتسجن المشاعر وحيدة فى كهف الصمت

لـ تعيش ماتبقى لها من العمر فى كبت

تظل شريدة مقطوعة أوصال اللهفة فيها

وأصوات الخواء تضج فى كل نواحيها

يخيم الظلام وترتسم الغربة من حولها

وفجأة تكتشف ماكان عليها وماكان لها

تبحث عن بصيص نور يبث فيها الأمان

وينقذها من غياهب الظلام وبئرالأحزان

تنهار الروح متعبة يائسة ويتصدع بنيانها

فتستسلم لواقع أطاح بإحساسها وهشم كيانها

وعلى أخر وتر من أوتار قلبها المقطوعة شوقاً

تعزف ألحان الوداع وتتمايل حزناً وقهراً

تنتظر لحظات إحتضار ذكرياتها وماضيها

وتشيد لها فى كهف الصمت ضريح يحتويها

mena_hassan

31-1-2018