ماهوش فارق

 

أدور بين وشوش الناس

على حاجات كانت حلوة 

على بسمة 

على ضحكة

 على غنوة

ماألاقى غير أوجاع

وشكوى من اللى خان وباع

بخوف كبير مالوش آخـر

وأمل تايـه وشوق سافـر

وتنهيدة بـآهـ  مكتومة 

ونفوس مليانه ألم وضياع

وأيادى كتير بتتخانق

لعقول مش فاهمة بتعاند

وتسألهم عن الفرحة

 وعن بكرة

تلاقيه ماهوش فارق

وهم الكل فيه غارق

أحبس نفسي فى أمنية

وحلم حلمته وماكان ليا

وأعيش فى الدنيا بتسابق

مع فرحة ودمعتى الحايره

أبص للسما فوق

وأسلم أمرى للخالق

وأستنى يوم طلوع الشمس

وأحقق حلمى بإيديا

صحيح دلوقت ماهوش فارق 

لكن بكرة هاتتغير الدنيا

#mena_hassan 

وسط الضلمه

إن كان اليأس محاوطك

وأيادى الهم عماله تهدك

مدايق صوتك مخنوق

مش شايف قدامك أى فروق

عايش وحديك والحزن ماليك

تتبعتر أحلامك من وسط إيديك

مش فارقة معاك وخلاص مليت

تايه وغريب وعن الكل داريت

حط فى قلبك نية وأتمنى كمان أمنية

بص لفوق وقول يا رب تتحقق ليا

وصلي كتير من غير تفكير

وأوعاك تزهق ليك رب كبير

هاتلاقى الهم إتشال والصعب هايبقى محال

سلم أمرك للخالق ده مابينساش مخلوق

صدقنى هاترتاح والكون يبقى براح

ومن وسط الضلمه هاتلاقى بريق

للصح هايهديك ويحقق أمانيك

ويفتح قدامك للفرح ألف طريق

#mena_hassan 

خليك إنسان

                                                    خليك إنسان

فى دوامة الحياة عايشين

مافيش فينا واحد كامل

هاتشوف من البشر نوعين

ومع النوعين هاتتعامل

ناس كدابة وبوشين

وناس مظلومة هاتقابل

طاحنها الهم قاتلها الدين

وبضحكة حزينة بتجامل

وناس مات الضمير فيهم

ولا100ثورة تصحيهم

وناس غلبانه عايشة سنين

على لقمة عيشها بتقاتل

هاتشوف من البشر ألوان

وتقارن بين حالتنا زمان

تقول الحق ولا تبقى جبان

وغير كرامتك ايه فاضل

خلى جواك مكان للضي

يعيش فيه الضمير الحى

خليك إنسان

#mena_hassan 

صلوا عليه

اختاروا ربنا هديه للعالمين 

سيرته معانا الصادق الأمين 

صلوا على محمد نبينا

ويارب بزيارة بيته راضينا

رسولنا قدوتنا قلبه رحيم

بين أهله الطيب الكريم

سيدنا النبي نور دربي

بصلي عليه يطمن قلبي

الف صلاة وسلام عليه

واللي يصلي ربنا يهديه

#mena_hassan 

لاتلتفت إلى الخلف

 حين تترك لهم حلمك وتمضي لا تلتفت الي الخلف حتى لاتوجعك نظراتهم

 وتؤلمك أصوات ضحكاتهم واحتفالاتهم بانتصارهم عليك

 امضي في صمت وارفع رأسك رغم هزيمتك

 فأنت برغم كل هذا مازلت تحتفظ بقلب طاهر نقي

 لا يعرف الطمع والانانيه

#mena_hassan 

لاتستطيع وصفه

الأمر يشبه حالة الهدوء التي تعقب انتهاء الحرب،هناك علي الأطراف دخان روحك التى احترقت، بجانبها مخلفات دمار وبقايا أمنيات مكسوره، شعور لاتستطيع وصفه،أحداث تتوالى وأنت لاتستطيع أن تكون في الوسط، استنفزت طاقتك لدرجه انك لم تعد لديك القدره علي التواصل، لم يعد لديك حتى القدره علي النهوض من مكانك، فكيف لك أن تشرح لهم ماحدث ومازال ينهش داخلك، وكيف لك ان تعيد ترميم روحك التى لم يترك الدمار جزءا فيها يصلح للترميم

#mena_hassan 

وحشتني أمي

بتوحشني ووحشاني 

أيامي الحلوه وياها

هى اللي كانت سنداني 

وكنت بعيش بدعاها

حضنها كان الأمان 

وراح معاها الحنان

معاها الدنيا ضحكتلي 

وبكيت لما سابتني

أمي غابت عني لكن 

روحها في كل الأماكن 

حنان الدنيا كان فيها 

ومشفتش خير بعديها 

سيرتها الحلوه بين ناسها

والكل يحلف بإخلاصها

هفضل ادعيلها مش هنسى

#أمي في الجنه أنا حاسه

#mena_hassan