سافرت الكويت
مصر هى أمى أتولدت فيها وأتربيت
شربت من نيلها وعلى أرضها مشيت
لايوم نكرت خيرها ولا لخرابها أتمنيت
عايش فيها بعافر وعلى رزقي ماتهنيت
ضاق بيا الحال وللغربة عمرى ماهويت
قولت أسافر وأجرب,, سافرت الكويت
صحيح الغربة صعبة وأناعمرى ما أتذليت
تمر الأيام وأنا بحلم ,,وبقسمتي رضيت
لكن كرامتى دى غاليه قسما ورب البيت
داسوا عليا وقالوا أيه يعنى مصري بسيط
أموت ولايقولوا..انى جبان وليهم طاطيت
ورجعت تانى لبلدى,, ميت ولا أتزفيت
عريس فى السما صغير,, كان نفسي أفتح بيت
دى حكاية شاب مصرى سافر ومات فى الكويت ..
mena_hassan
دمعه حائره
3-11-2015
ليست هناك تعليقات:
إرسال تعليق