ياريت قلبي كان قلب تيفال
يعيش في الدنيا كما الرحال
حابب نفسه مع نفسه
رايق كده مرتاح البال
لابيهمه ده مين حبه
ولامين يبكى على الأطلال
ودى كرامته لفوق هامته
ولايعرف يعنى إيه إذلال
ده غيرعقله عارف حجمه
بيعشق كلمة إستهبال
ولابيسمع ولابيفهم
أى كلام فـ
الهوى يتقال
ماهوش فاضي ولاقاضي
مالوش لا فـ دوشه ولاجدال
وإيه يعنى واحد حبه
ويغنى فى هواه موال
وكان ذنبه يقعوا فـ حبه
وهو بين القلوب يختال..؟
ماهو طبعه ومين قده
ومين عنده قلب تيفال
لابيلزق ولابيعرف
يعنى إيه حب يعيش أجيال..
mena_hassan
28-11-2015
ليست هناك تعليقات:
إرسال تعليق