غرقان فيكى

بيقولوا اللى بيشرب من نيلك

بيلف ويرجعلك تانى

وانا عايش عمرى بغنيلك

 مع انى سنين فيكى بعانى

وحاولت اصبرعلى مواويلك

لكنك دايما رفضانى

 هاهرب من ارضك ومسيرك

تعرفى ان انتى اللى طردانى

 وفى مركب هابعد واسيبك

مش هارجع وهاقول وحشانى

 وعشان روحى يابلدى فى ايديك

سابتنى ورجعتلك تانى

غرقان فى هواكى قصاد عينك

مع انك ديما كرهانى

مطرود من حضنك واسيرك

 وبلف ويرجعلك تانى

mena_hassan

23-9-2016